[َ ربـــــــــــى]

اقتباس المشاركة الأساسية كتبها شاطى الامــــــاني يالغلا احمد ربك واشكره يبدو انك صغييييره شكلك في هالعشرينات او اقل---- والا اذا وصلتي الثلاثين او باخر العشرينات ""عيدي ذا الكلام""" متاكده مارااااح تعيدينه--- و""ماراح يحس بالنار الا رجل واطيها"""توك ماتدري وش السالفه00000 اسأل الله في هذه الساعه ان يرزق كل عاااااااااااانس عاجلا غير اجل

ياحبي لك توي اشوف ردك ..
.. والله اني اعرف السالفة كله وماتكلمت عن شيئ الا انا عارفته ومجربته ..
وماني في اوائل العشرينات ولا اقل .. والنار اللي طايلتك طايلتني ..( طبعا بمسماك انها نار )



بس شوفي قلبي ..

لا يضيق صدرك واعرفي دامك ماشية برضى ربك أن ربي بيختار لك الخيرة .. سواء عرفتي او ماعرفتي ..
بقول لك مثال ..

وحدة من قريباتي وصلت لاخر العشرينات ماتزوجت .. ورزقها الله بمطلق وعنده اولاد .. والمطلق بعائلتها منقصة للبنت وشلون ومعه اطفال ..
بس اخلاقه قمة قمة قمة ..
رفضوا اهلها ببداية الامر وبعدين وافقوا ..

الحين هي اسعد خواتها اللي اخذين ابكار .. وعيال الزوج قايمين فيها وبارين فيها..

سبحان الله كنها جالسه تحتريه لين يطلق بعدين تتزوجه ..


مثال ثاني ..

وحده من قريباتي ببداية العشرينات .. تحتري عريس الغفلة .. فارس احلامها وحلم حياتها .. جاها شاب عليه سمات الخير

كان على خير مثل ماظنوا ..

بليلة زواجها اكتشفت ان زوجها مروج مخدرات ..


مثال اخير .. ( دعوة للتفاؤل ..)


وحدة في نهااااااية الثلاثينااااات ..

تزوجت رجل ذا خلق ودين وماعليه قاصر ومتوفقين وسعيدين ..



عشان كذا اقول وسعي صديرك واللي الله كاتبه لك بتشوفينه .. واستمتعي بحياتك مع اهلك تراه ماتتعوض ولا تشغلين بالك باشياء انتي مالك يد فيها ..والله ان شوفة ضحكة امي تسوى رجال الدنيا كله ..

الله اللي كاتب الارزاق ومقسمها وبيجيك الخير باذن الله ..

يارب ياحي ياقيوم ترزقك وكل مسلمة الرجال الصالحين اللي تتمنونهم واللي يسعدونكم دنيا ودين .. ويرزقكم الذرية الصالحة التقية النقية يارب العالمين ..