[المملوووووح]

الشين شين ولو توج من ذهب ..

والزين زين ولو قام من منامه ..

الله يرحم عجزنـا وبس ..

الحده الحين لو تنعزم مجرد عزيمه بس , راحت من العصر للمشغل ..!!

ليه كل هـذا ..؟

هل هو عدم ثقه بجمالك ولا أنتي حاسه إنك مو حلوه وتبين تروحين تسمكرين شكلك بالمشغل بذتك القيمه ..!!

الله سبحانه وتعالى يقول .. مخاطباً عبــاده !!

( وكلوا واشــربوا ولا تســرفوا إنه لا يحــب المســرفين ) الآيه

ليه نحمل انفسنا مالا تطيق ..

ليه نسرف ونهدر كل هذه الأموال على أشيــاء مالها داعي ..

الأستشوار والمكياج والميك آب اسعارها غاليه جداً وهي بالنهايه كلها ساعتين او ثلاث وتنتهي مفعولها ..

مو الوحده بترجع تنام وقبل ماتنام تغسل وجهها من كل المكاييج اللي حطتها بوجهها بالمشغل ..

يعني كأنك أهدرتي أموالك بالفاضي وبس ..

ليه ماتحاولين انتي تمكيجين نفسك بنفسك او تستعينين بصديقه لك أو أخت بدل هدر عالأموال هذي

اللي راح تسألين عنها يوم تعرضين على الملك الجبار ..

الحين المشاغل كلها امراض وعدوى مالها حصر ..

والله إني أعرف الآن إمرأه قريبه لــي راحت مره أحد المشاغل لتحسين شكلها

وبعد ساعتين تقريباً اصابها حساسيه شديده في وجهها ومازالت تعالج حتى يومنا هذا من هذه الحساسيه

لدرجة أنهـا ذهبت للخارج للعلاج وصرفت من الأموال مالله به عليم بسبب ذلك الليله المشؤمه بالمشغل ..

لقد اصبحت مرعبة الشكل بعد أن كانت حسناء جميله والكل كان يثني على جمالها من شدة الأعجاب ..

ولكن هذه هي عقول النســاء سامحهن الله ..

فهل من متعض ؟

سامحوني على الأطاله

تقبلوا تحياتي