[حلم رمادي]

اقتباس المشاركة الأساسية كتبها كبرياء انثى... والله كلامك بصميم.. انا تعبت والمدرسه قربت وانا محتاره وصليت كم مره نفس الشي.. والمشكله ابوي يقول ادخلي علمي ابوي يحب العلمي... واهليه لا ...لانه اهمال.. وانا اقول ادخل علمي بس الاهليه لزم لاني الرياضيات يخسف نسبتي... طيب وش اقسام الكليه العلمية.. اسفه على الازعاج لكن تكفين ساعديني حسي فيني...

سوري ع اللقافة

إذا أنتي نسبتك حلوة بالسنوات اللي فاتت وأنتي حكومية نصيحة شدي حيلك وكملي بحكومية لأنه لو دخلتي أهلية بتتحسفين وقت القياس والقياس هو اللي عليه الكلام ياخذون منه 70% ع ماأذكر ..

ودامك تبين أنقليزي خليك أدبي لأن الرياضيات صدق يلعب بحسبة النسبة أنا ماأقولك العلمي صعب أنا علمي وحكومية ونسبتي الحمدلله حلوووة بس اللي قاهرني أنا نكرف وبعدين مافي أقسام حلوة

الكلية العلمية أول سنة إعداد علوم طبيعية تعتبر من ال4 سنين بس ع أساس معدلك فيها تتخصصين (رياضيات - إحصاء- فيزياء - كيمياء-أحياء) أحسن حاجة بهالسنة أنها أقل نسب قبول هي ..

الأقسام الأدبيه صح حلوة بس تبي نسبه التربية الخاصة وعلم النفس أقل نسبة أقبلوها بال80 بعد القياس طبعاً والإنقليزي 76أقل نسبة قبلوها هالسنة بينما إعداد علوم أقل نسبة 69 ..(كل النسب بعد القياس يعني النسبة الموزونة)

أحس إني زدتك حيرة بس حبيت يكون كل شي واضح لك والقرار بالأخير لك ..

الله يوفقك ياااااارب