لاتقول الفــــراق أرجيك لاتــذكره
كان ودك لجرحي يالغضي يستطيب
لا طرى طاريك ضاق دمعي في محجرة
وقمت أنا مذعــــور لين طيفك يغيب
الفراق الكل مايقواه مايقــــــــــــدره
يالله إنك تفــــــــــرج همنا يامجيب
هاجس الفرقى عقب فرقاك كيف أقبره
كيف أبنسى خيالك المفارق صعيب
لو بغيت أنسى هواكم ناظري ينثره
ياهـــــل المعروف بالله من بكم يستجيب
حاولوا بالحل بالله وحقكم نشــكره
علتي ودواي أنا ياناس ماله بالطبيب
من بكى فرقى وليفه كلنا نعذره
جعل من لامني بالبعد يصبح غريب
لاهب الفرقى شديد وصعب أنا أبستره
لو ضحكت القلب ناره تستعر باللهيب
عقب فرقى وليفي ليلي أنا أسهره
والخـــــلايق نيام ودمع عيني صبيب
يالله إنك عليم وكل شي تقـــــــدره
أرجي إنك تجمّـــــع شملنا بالحبيب