[عطشان والكأس مكسور !!]

مرحبــــــــــــــــــــــــــــــــــــــــــــــ ــــــا
آسف على سهجتي لكم هاليومين بس أنشغلت >> أووووخس وزير الصحة وحنا ما ندري
وترا أنا أخذ الموضوع سوالف ووناسه وفلة حجاج ما أخذته جد
لأنه الموضوع ألف اللي كتب عن الوطن ولو أنه فيه أختلااف بسيييط
والكلام اللي قريته من البعض الله يسامحهم ماله داعي أبد !!!!
أيييه نرجع لموضوعنا ))) أنا برد على شسمه هذاك المنخرش لأني ما قريت إلا ردوده بصرااحه الردود طوااال ومانب فاضي >>>> قايل لكم وزير الصحة
ايه يا أنت أقول أنه كلامك طيب لكن ما يعني هذا أني مقتنع فيه
أولاً مقطع الفيديو حق العامل الياباني صراحه ماشفته بس عرفت وش به من الردود اللي تحته
يعني عامل النظافة راتبه 8000 وبالسعودية تصير 30000
لو شالت السعودية العمالة من عندنا ووظفت سعوديين يشتغلون عمال نظافة براتب 30000 أو خلنا نصير واقعيين أكثر تعطيهم 6000 حلو ؟؟
وما يتوظفون عمال نظافة إلا الجامعيين من كلية ( تقنية نظافة العلوم الشوارعية )
وش راح تكون ردة فعله وردة فعل المجتمع ؟؟؟؟؟؟؟
مانب قايل لك بس شفهم الحييين تلقاه رافعن راسه على أبوه يقول أبي افخم سيارة وآخر موديل وهو إلى هالحين ما طلع من المتوسطة والمشكلة بعد أبووه اللي يطيعه
وتبيه بعد يلبس أصفر ويدور بسيارة البلدية ووو علييك الباقي
والناس عاد الله لا يبلاك بألسنتهم
يجيك طااير من آخر الشااارع
سلوم / يووووووووه ولد الفلان يشتغل عامل نظااافة وتسبديييييييييه
صالح المالح / أحـــــــــــــــــــــــــــــــلــــــــــــــــ ــــــــف ياااحووول
حمادا / لا بعد مااادريييييت أبوووه عنده أرااضي بالجنوب وله محل يبيع الفساتين الرجالية ومخلي أولده يشتغل تسذا واااخزياااه بس كل ذا قعاطه
سلوم / اقول بس أهم شيء لا تزوجونه خواتكم تراه مهب رجل اللي يشتغل تسذا
حمادا / والله أنك صادز بعد أنتبه تقعد معه ترا خلاص حنا تبرينا منه قليل الخاتمة
هذولا أصدقااه المقربين عاد شف الناس الثانين
..../ منهو من تقصد أنت ؟؟
..../ تعرف هذاك اللي كان معنا بالثانوية
.... / تقصد فلاان
.... / أيه
..../ وش به ؟؟
...../ توقع أي كلية دخل ؟؟
..../ اي كلية ؟؟
.../ النظافة الشواارعية
.../ الله يقرفه هالماارج مالقا إلا هالكلية
وتستمر التعليقاات من هنا وهناك وياكلون لحمه ويسلخونه ويفتفتون عظامته قبل يتهنا بالـ 6000
وثانياً لو دخلوا السعوديين هالكليه وصار عندهم ثقة بالنفس وما اهتموا لكلام أحد
الكليات الثانية من بيدخل به ؟؟؟؟ السعوديين الشاطرين (( اقصد كلية الطب والهندسة والرياضيات ))
معقووووووول فيه أحد يجازف ويدخل كلية صعبه وعنده ذي توفر له 6000 بالشهر
طيب هذا كله كوووم والشيء الثاني كوووم
تتخيل أنه الشباااب بيبدون يروحون يقدمون على وظايف ((عامل نظافة)) ويقولون له
آسفيين مالك مكاان ؟؟؟؟
أو يقولون / نحطك بديل
أو يقولون / جب واااسطة

وهو له سنييييييييين يدرررس ويسهر لين تفقعت عيونه
واااااااااااااااااااااااااااااااو هنااااا وصلنا لقلب المشكلة
المجتمع السعودي مجتمع منغلق
يهتم كثيييير بالعادات والتقاليد
وأصعب شيء أنك تخاالفه لأنك بتصير عنده مجـــرم كبير وخااين للعادات والتقاليد
>>>>>> والله يا نا تعبت من الشرح
الأخطــــــــــــــــــــــــاء اللي قاااعدة تصييير مهب من الوطن من المجتمع السعوودي ومن الموااطن
أخيراً أخوووي ترا أنا كل اللي ابيه هو أني أوضح لك وشو الوطن ووشو المواطن
المواطن هو أنت وأنا وكل المسؤولين حتى اللي قاعد يلعب بفلوس الدولة هو مواطن
والوطن هو الأرض اللي تمشي أنت عليه
يعني لو قدر الله وقالوا لك أطلع برا الأراضي السعودية
بتواقف أو لا ؟؟
أكيد لا
لأنك تحب أرض السعودية ولو طلعت بتصير مغترب متشرد وماا لك وطــن
شف الاندونيسيين وش كثر يحبوون وطنهم مع أنهم يطلعون منه بطلب الرزق ومع أنه كثير الفيضانات والبراكين والزلازل لكن يحبونه ورااااااااااه ؟؟؟ لأنه وطنهم اللي ما لهم غيره
أتمنى تكون المعلومة وصلت وعليك تجي تهمز أصابعي اللي تورمن من كثر الكتب
وووو سلاامتك يا أبو العز
أحـــــــــــــــــــــــــــــــــــــــــــــ ــبـــــــــــــــــــــــــــــــــــــــكـ ياااااوطـــــــني