تصرف حكيم من مديرة ومنسوبات المدرسةالله يجزاهن خير
بنتي تدرس في نفس المدرسة ..لا رعب ولا شيء .. تقول جت عندنا وحدة من الإداريات وقالت يالله صفوا طابور بسرعة وانزلوا تحت بدون شناط نبي نوريكم شيء تحت
المهم تقول طلعنا من الفصل واستغربنا كل المرسة طالعين من فصولهم والمدرسات وراهم
هم عرفوا إن فيه حريق لأنهم قبل سامعين صفارة الإنذار بس مايدرون وشي
ونزلوهم تحت بالحوش الخارجي وما خلوهم يطلعون إلا اللي يجي ولي أمره
وحتى قالوا للبنات اللي تتصل على أهلها لا تقول فيه حريق قولوا الكهرب طافي حتى ماتروعونهم
وفعلا أنا بنتي قالت لي كذا
بالمناسبة أشكرالأستاذة وفاء وأستاذة ثانية نسيت اسمه والمديرة أعطوا البنات جوالاتهم حتى يدقون على أهاليهم لأن المدرسة جديدة وما فيها هاتف تقول بنتي البنات طوابير يدقون على أهاليهم الله لا يحرمهم الأجر