[برفسور ملتمس]

همـس : والله هالجحادة ماشفناها الا عندكم بالقصيم .. ، ومثل ماقلتي ( يجحد مواضيع تافهه ) .. ولو كانت كبيرة لكان عذر ، خصوصا أن البعض منهم يخاف العين ( وما الومه خصوصاً اذا كان يتعلق في امور مستقبيلة كـمشروع خطبة ، أو غيره .. لكن مشكلتهم فاهمين معنى ( الغموض غلط ) ..

وبالأصح هم ياليتهم يجحدون ، هم ( يـــــكـــــــذبون ) .. والكذب معروف حكمه ، .. ولو تحجرينه بزاوية وتقولين ليش كذا ( قال كذبة بيضاء ) .. مدري اذا كان للكذب الوان قولولنا مو بعيدة بكرى البنات يشخصون بألوان الكذب ويقولون : ( هذي كذبة فوشية ..إلخ ) ..

مثال على ذلك : واحد أخذ عياله بيسافر الإمارات ، سأله جاره الجدار بالجدار بعد ماشافه يحمل أغراضه ، ( على وين !!) .. يجاوب ويقول ، والله رايح أبها ، أو رايح اخذ عمرة ..

هذي يسمونها جحادة ، هذي كذب ونصب ويحسك قوطي والغبي مشخص ويضحك ويحسبه لعب عليك مايدري انه كسب سيئات ولعب على نفسه .. لنفرض لاسمح الله صار لك حادث وأنت بالامارات ،كيف بيكون شعورك وانت كذبت ، .. لنفرض لاسمح الله، انلطعت وانسرقت هناك ونزلت بالجريدة ( وجارك يقول لا كان بابهاء ) ممكن تعرض لي ملامح وجهك اول ماتجي وتقابل جيرانك..!!

ملاحظة : يمكن بعضهم يقول جاره فضولي ليه يسأل وين مسافر .. طيب لو يوقف احد عند بيته ، الجار يعرف أنه مسافر وبكذا يراعي بيت جاره خلال سفرته . << مثال بسيط ..

*دوغان : وأضح انك تحسب الناس يفكرون فيك ، ( صدقني ماجابو خبرك ياكاكا ) ..

* بريدة الغالية : أنا واثق أن لو توقيعك الكبير ماكان فيه كان الردود ( 20صفحة ) .. ياخوي أنا فاتح الموضوع الصبح ، ورديت عليه الساعة ، 3.28 بس عشان يتحمل توقيعك ،