[ماعلينا من الناس]

اقتباس المشاركة الأساسية كتبها برفسور ملتمس _________ قمـة التناقـض !! هالحين جالس تتميلح قدام البنات ورازلي البلد ( أمي الحنونة مدري جعلني مواطيك مدري ابنسدح وامشي فوقي ..إلخ ).. وهذا ردك ؟.. أمك مو حرمه ..؟؟! يوم تعم وتقول ( ياكرهي للحريم ) .. بعدين وش اسمك هذا ( صمت النار ) يقالك المثل ( الهدوء قبل العاصفة ) اختصر اسمك وقل ( ولاعة ولا كبريت وفكنا ياخـي ) .. عموماً موضوع جميل ، !! والأجمل أن النقد جاء من أنثى .. لكن هذا مايخلي أن ماطرحتيه عبارة عن نسب لا أكثر .. مثلاً : 1) كل مارحت للسوق تلاقين الي طايحه عباته!! .. بالمقابل الرجال الي تشوفيهم بالسوق كاملين أو لبسهم يعتبر مقبول بنظرك .. صراحة بعضهم ماتميزين لبسه ولبس البنت الا باللون ومن زود ماهو مخصر ثوبه أتوقع لو تنادينه بـ ( ليلى ) قالك : هلا .. 2) تشرب سفن أب .. بالعكس خليها تشرب لابسه عباية وساتره على نفسها وغير كذا يمكن عطشانة ، ويحق لها تاكل وتشرب ماحد يشوفها ، : .. لكــــن بعض الرجال يتعشى بسيارته ويرمي مع القزازة غير سعبولته الي نصفها ماينيز والكتشب بيدينه وكل شي واضح ولاوقف عند الاشارة تحسينه مندوب (فلافل ابوعدنان) بالله عليك هذا السلوك المطلوب مثلاً !! .. 3) الي تكاسر يصلح ساعته ..( ترى اذا بعضهم يشتري ومايهتم في السعر ، في البعض غير قادر على انه يدفع هالمبلغ ،أو أنه يشوف السعر مبالغ فيه ، فاذا الله معطيك خير ، لاتحسبين كل الناس مثلك ، هذا شيء .. الشي الثاني / وهي صادقه يصلح ساعته بعشرة ليش .. بخمسة ريال وبزيادة بعد غير اذا كانت مشتريتها من نفس المحل من أمس المفروض يصلحها مجاناً 4) الي تروح للمحل عشان معجبه .. هنا أنا أؤؤيدك الرأي بأنه قلة حياء بس بنفس الوقت ترى في شباب يحلقون عند حلاقين لشكل الحلاق ، ولو البائع بالمحل كونه رجال يستحي مارضى بهالشي وجلس يتزين ، فليش تسيئين الظن بـ 234662 بنت وماتعالجين السبب الي هو صاحب أو بياع المحل ..مثال على ذلك ( الدخان : مامنعو المدخنين منعو البائعين ) ــــ فياليت مانعم على الحريم وايضاً مانعم على الرجال ولو كل شخص ماعنده أخطاء ماكان المفروض نتواجد بهالحياة كان بالجنة على طوووول نتعلم ثم نختبر بالمدرسة ، نختبر ثم نتعلم بالحياة <<< يمكن البعض يحس ان اسمي ( حنان ) لأن ردودي كانت ضد الرجل بس احب اصحح لكم ترى الي طرحت الموضوع ( أنثى ) وموضوعها ضد المرأة ... تشـــاو

كلامك عين العقل .. واعطيك درجه البروفوسور مني

ليت كل شبابنا زي هالعقليات

كان ماعانينا