[هدوء ..!]

اقتباس المشاركة الأساسية كتبها اكوس نفره بنات ياحبيلكن بقوه محتاجه لكن اوقفن معي اول شي انا ابطلع جواز سفر عادي اتزين اذا بغيت اصور غير كذا انا ابطلع برا والله يتمم وش رايكن وش اسوي وشو اهم شي اخذ معي يعني الي احتاجه كثير المتزوجات انتن ابخص انا عروس مدري وش اسوي وش اخذ معي ...ّ لاتطولن علي

هونيهآ وتهون ,
موجودين ب جنبك .

بالنسبة لجوآز لا وش تزين له عادي أهم شي وجهك نظيف ومرتب
من غير مكيآج ولا شي . وطرحتك نظيفة

لأني انا ماتزينت ولا شي , مجرد بس تحجب بطرحتي
والسلام

./

وبالنسبة وش رآح تآخذين ل سفرتك

1- الملابس الخرجات :
في حاله بتلبسين عبايه ..
خوذي لك 5 بناطيل ومع كل بنطلون غيارين او 3 تي شيرت او بدي ..
قطن او حرير او شيفون خليه مشكل ..
البناطيل خوذيها مشكله مثلا 2 جنز و3 قماش ثاني .. وخوذي حزام او 2 ..
كنوع من التغيير .. وخليها ملونه .. اسود - بيج - زيتي - كحلي- بني على حسب ذوقك
في حاله بتلبسين حجاب خوذي لك 7 حجابات مع بلايز طويله مع 5 بناطيل ...
وان كان الجو بارد خوذي لك بالطوين ثقال .. ممكن واحد اسود وواحد بيج ..
والحجاب ممكن تبدلينه بشال ..


2- ملابس البيت :
طبعا يقولون قليل تجلسون بالاوتيل ..
بهالحاله اقول لك خوذي 2 برمودا وشورت مع 4بديات وممكن تلبسين معهم من تيشيرتات الخرجات لان فوقها عبايه وماانشافت
وفستانين قصيره نعومات .. وااذا رحلتكم على شاليهات .. كثرو فساتين البحر ..
هذي تلبسينها في حاله صحيتو متاخر ومالحقتو تطلعون بدري او بتفطرون بالغرفه او رجعتو تريحون بالاوتيل ..
واذا تبين تزيدين زيدي ..

3 - ملابس النوم :
خوذي 7 بجامات متنوعه ..حرير وقطن .. طويل ووسط وقصير .. ونوعي بالالوان
خوذي 7 قمصان متنوعه الطويل ومتنوعه الالوان وكل قميص معاه البانتي تبعه.. وخوذي معها روب ابي واسود حرير احتياط ..

4- اللانجري :
الكلوتات يفضل تاخذين اللي استعمال واحد وتلقينها بالصيدليه .. خوذي 20 حبه لانك بتغيرين اكثر من مره ..
البرا شكلي خوذي شي طقم مع البانتي لجلسه الاوتيل او اذا تحبين باسفنج طبعا كله على حسب رغبتك ..
مايوه يمكن تسبحون مع بعض ..

5- فوطه شعر + فوطه جسم .. يفضل تاخذين فوطه احسن من الروب لانه ياخذ مكان ..
خوذي الفوطه اللي تنلف ع الجسم ..

6 - خوذي لك ساعه + دبله + حلق واساور اكسسوار .. واذا تحبين خلاخل واساور رجل ..

7- اطواق وكلبسات وربطات لشعرك وبنس للشعر..

8- الشنط ..
خوذي لك شنطتين وحده فخمه رسميه للمطار والمطاعم ..
والثانيه خفيفه سهله الحمل لتنقلاتكم وتمشياتكم .. لان زوجك ممكن يخلي اغراضه واوراقه معاك ..
وانصحك تاخذين وحده مو نسائيه مره عشان لو تعبتي تخلينه هو يشيلها ..

9- الجزم ..
خوذي وحده حلوه وفخمه ومريحه للمطار واذا بتتعشون او تفطرون بالاوتيل ..
وثانيه كوتش او فلات للمشي اهم شي تكون مريحه ..
سليبرز للفندق اتوقع يكفي واحد ..
وشبشب للحمام وممكن تخلينه لطلعه البحر لو سكنتو بشاليه .. االلي يجي كانه بلاستيك واصبع

10 - العطورات
اقترح يكون معك عطر واحد بس + مجموعه الجسم حقت الشاور + خمريه للشعر ..

11 - الميك اب ..
ماقترح تاخذين كريم اساس .. يعني ممكن كريم مرطب او واقي شمس يكون 2×1
او تاخذين باودر او بيس ..
كحل + باليت ارواج تبع فور ايفر فيه كم لون + محدد + بلش
ر + لابيلو كرز + برايه + فرشه للبلشر + قلم حواجب
مناكير لو جتك الدوره

12 - شراب خوذي 10 او 5 على حسب رغبتك بس احسن ماتقعدين تغسلينهم ..
وخوذي تايت اسود او شفاف مع الفساتين .. وعبايه وطرحه ونقاب غير اللي انتي لابستهم ..

13 - الاغراض الباقيه :
فوط صحيه + فوطي يوميه + مناديل للمنطقه الحساسه مع غسول
- بلاستيك لكرسي الحمام + غسول ديتول لليد +
مناديل ديتول + غسول للوجه + استشوار مع فرشه + براون
+ موس مع رغوه+ بديل الزيت او جل للتجعيد +
شاحن جوال+ فيش ثلاثي
+ فرشه ومعجون +علك وحلاو + شامبو + مقص اظافر ومبرد + سن بلوك + قطن واعواد قطن + كريم مرطب
+ بلاستر للجروح مع مسحات طبيه+ سجاده وشرشف صلاه في سجادات جيب مره صغيره
+ مكوى بخار لقيته بالرياض قاليري بالمعارض+ كآميرا مهم جدا + مزيل مناكير فيه عند الصيدليه مناديل زي المسحه الطبيه
+ شرشف لو حابه يفرشون لك اياه ع السرير +فازلين صغير لقيته بالصيدليه ب3 ريال وهو كبر اصبعي + نظاره شمسيه + اذا بتروحون مكان ممطر ممكن تاخذين مظله ..


وهذي الاغراض ممكن ترتبينها بشنط صغيره مثلا شنطه صغيره لاغراض الشاور تشمل المجموعه والليفه والشامبو والموس والرغوه وغسول الوجه
كيس فيه الفوط الصحيه والمناديل والغسول واغلفه كرسي الحمام ومناديل الديتول وغسول الديتول ..
شنطه صغيره فيها اغراض الاظافر من مبرد ومقص وملقط ومزيل مناكير مع بلاستر الجروح و المسحات ..
شنطه صغيره فيها الميك اب مع واقي الشمس ومزيل الميك اب