بما ان اليوم هو اول يوم شتاء حقيقي , لانه ابرد يوم هذي السنه
فالبعض منا يستبشر بدخول الشتاء والبعض الاخر لايحب الشتاء لبرودته
حقيقة ... الذي يعجبني في الشتاء البارد هو شبة النار و لبس الملابس الحنونه,
بصراحة اكبر فصل الشتاء هو فصل الحنان
.. لبسك للملابس الثقيله يحسسك بالحنيه,
واذا قالت لك امك او ابوك لاتطلع الا وانت لابس بيجامه وكوت .. تحس انه فيه احد يحس بك ..
واذا جلست بمجلس وقالي احد يابوطلال خذ هالفروة والا الكوت البسه لايدخلك برد ...
اجواء الشتاء كلها حنان بحنان ... اموووووت على الشتاء >> احس انه فصل ( ديني )
...........
والذي اكرهه في الشتاء هو القومة من النوم في عز البرد .. وكوية النار (تبتل تحط اصبعك
ببياله ماء بارد) ... وتبطي ماتروح الكوية ..
والله اني قد نمت واصبعي غاطه ببيالة ماء
.. لاني مسكت الملقاط وهوحار..
سؤالي لكم يااخوني ويااخواتي :
وشو الشي اللي تحبه بالشتاء .. والشي اللي تكرهه بالشتاء ..؟؟؟
ياحبي لكم يالاعضاء