[أرسلان]

اقتباس وش جنسيات المدربين النصابين ؟؟؟؟

للأسف أنهم سعوديين

وهذي سالفتي معهم -حسبي الله عليهم-

اتصل علي المدرب نفسه وخذ من هالكلام الحلو وانك تبي تصير وتصير وقال لي متى اشوفك
قلت باليوم الفلاني قال خير إن شاء الله رحت لمه وقالي نفس اللي قال أبو فهد المهم يوم سألته عن حكمه
قال الصراحه أني أول مابديت توقفت اسبوع لأني جلست أبحث عن حكمه وتبين لي بعد ماسألت كم شيخ أنه تجوز
قلت من سألت قال من ضمنهم الشيخ الشبيلي والشيخ الفنيسان قلت بسم الله وادخل على مواقعهم
وبالنص الصريح ( شركة كويست نت لا تجوز ) قلت وش تبي غير هالكلام قال عن اذنك عندي ناس ماودي أقطعهم
يعني تبي تشتغل ولا اقلب وجهك هههههههه
اتصل علي بعد كم يووم قال ابيك ضروري تجي لم بريك كفي قلت اوماله نجيك يوم رحت إلى عنده واحد أرفع من المدرب جاي من جدة ناضرته لابس سلسال وحاط ربطة بيده قالي تفضل استرح
وراك تقول الشركة حراام وش دليلك قعدت اعدد عليه فتوى العلماء وأنه التعامل فيه نوع من الرباء واكل اموال الناس بالباطل ومن هالكلام
قال تراي أنا متخرج المتوسطة من مدرسة تحفيظ يعني أنا شيخ هههههههههههههه -والله ماأزيد عليكم- الزبدة من كلامه أن المشايخ يحكمون على الشيء وهم أصلا مايدون وشو بالضبط
قلت بنفسي الله يخلف على أميمك قاطعا عن أشغالي علشان تقول هالكلام
يوم بغيت أمشي قلت له عندي كلمتين بقولهن لك والسلام
مشايختنا ذولا نعرف أصلهم وفصلهم بالعلم بإمكانك تقول عن شيخ حرم شركتكم متخصص بالعقيدة متخصص بالحديث هذا مايعرف الشركة زين لكن مشايخة تخصصهم بالمعاملات وأحكامه يعرفونه من طقطق للسلام عليكم ماتقدر تلف وتدور معهم هنا توقف عند حدك وعموما من اتقى الشبهات فقد استبرأ لدينه وعرضه فكر بالأمر زين وكونك تجلس يوم ويومين ماتلقى شيء تاكله أفضل من أن تكون ممن نبتت أجسادهم على سحت فتكون النار أولى بك .


جزاك الله كل خير يابو فهد وسلطك على هالشكل .