بريدة ستي - مشاهدة لمشاركة منفردة

برجس · 12-02-2005, 05:51 PM

المصري مدحت ..

يقالك فازعن مع المستشار ضد رعد الجلمه :D
هههههههههههههههه
رعد .. تدري اني مطيح معك الميانه وامزح معك يوم اقول الجلمه ..
فلذلك وسع صدرك انت وخشك اللي تقل طاسة معدن مصبوبن به شاهي بارد :D

خل عنك ياولد شوقي ..
جازت لي هالجمله اللي وردت في ثنايا مقالكم الكريم :
(( ولذلك فلن ياتيك منهن الا من ازهرة وجناتها ببذرة الخير وسقتها بروح الايمان ))

واااااااااااااااااوك اثرك تعرف تهرج هرج مثقفين
ماناقصك الا تلبس نظاره مقعره وتحط قلم حبر بمخباتك وتشري فورد كحلي موديل 98
وتواجر بنقالي يغسله كل صبح .. وتصير اكه :D

اجل لن يأتيك منهن الا ازهرة وجناتها ببذرة الخير :D
على طاري قافلة الخير قصدي بذرة الخير

وشي ازهرة؟؟!!
هي جمع زهره؟
اخبره زهور ازاهير زهيرات زهارين :D
اما ازهرة
مدري وش تبي
لايصير جمع مؤنث سالم معتل الاخر بالضمه
ههههههههههه
خيرك الله بين امرين يالمصري

اما انك تعدله وتكتبه صح
والا انك تعلمن وش معناه

بصراحه موضووعك رووعه بس هالكلمه خدشت جماله
ومحاتسيك قعد يحوس عنده
عاد انا من النوع الغثيث
اذا دقرت عند شيء ما اتعداوه الا لين اعرف معناوه
ابقولك سالفه تثبت هالشيء

منول يومني صغير كنت راكبن مع ابوي على ددسن
وسقط علينا راعي ونش
واستغربت من شكل الموتر وخاصه البوم اللي مرتفع حق الشيل
قلت لابوي وشو ذا يبه؟
التفت علي بكل حنان وقال : وشو لا اسطرك؟
قلت : الموتر اللي قبل شوي سقط علينا
اردف قائلا : هذا ونش
سالته : وشو الونش؟

حك راسه الله العالم انه ورط .. ونش يعني ونش مايبيله تعريف
طيب علمن يبه وش معنى ونش؟
ويلخسن بنظره الى يومك اتذكره .. نظره مشوبه بالوعيد والتهديد ولسان حاله يقول : اولالاه لو تنثبر
خلو عنكم بس .. هو ورط .. عرفت هالشي حين استرجعت السالفه يوم كبرت :D
المهم ماعرف معنى كلمة ونش
وابلشه ابلالالاش ابيه يعلمن
وهو الله يعظم اجره بلش وماوده يقول انه بلش :D
يوم شفته مهب معلمن قعدت اصيح واصيح طوووول الخط

عاد هو يوم شافن تسذا
حامت تسبدوه وطق اللطمه وطوّل على الرادو :D

فاقولك هذا يدل اني غثيث واني ان صممت على معرفة الشيء لازم اعرفه

يالله علمن وش معنى ازهرة :D

قصرت من الهمق

مع السلامه

:D:D
:D

12-02-2005, 05:51 PM	#3
برجس عـضـو تاريخ التسجيل: Oct 2001 المشاركات: 1,061	المصري مدحت .. يقالك فازعن مع المستشار ضد رعد الجلمه :D هههههههههههههههه رعد .. تدري اني مطيح معك الميانه وامزح معك يوم اقول الجلمه .. فلذلك وسع صدرك انت وخشك اللي تقل طاسة معدن مصبوبن به شاهي بارد :D خل عنك ياولد شوقي .. جازت لي هالجمله اللي وردت في ثنايا مقالكم الكريم : (( ولذلك فلن ياتيك منهن الا من ازهرة وجناتها ببذرة الخير وسقتها بروح الايمان )) واااااااااااااااااوك اثرك تعرف تهرج هرج مثقفين ماناقصك الا تلبس نظاره مقعره وتحط قلم حبر بمخباتك وتشري فورد كحلي موديل 98 وتواجر بنقالي يغسله كل صبح .. وتصير اكه :D اجل لن يأتيك منهن الا ازهرة وجناتها ببذرة الخير :D على طاري قافلة الخير قصدي بذرة الخير وشي ازهرة؟؟!! هي جمع زهره؟ اخبره زهور ازاهير زهيرات زهارين :D اما ازهرة مدري وش تبي لايصير جمع مؤنث سالم معتل الاخر بالضمه ههههههههههه خيرك الله بين امرين يالمصري اما انك تعدله وتكتبه صح والا انك تعلمن وش معناه بصراحه موضووعك رووعه بس هالكلمه خدشت جماله ومحاتسيك قعد يحوس عنده عاد انا من النوع الغثيث اذا دقرت عند شيء ما اتعداوه الا لين اعرف معناوه ابقولك سالفه تثبت هالشيء منول يومني صغير كنت راكبن مع ابوي على ددسن وسقط علينا راعي ونش واستغربت من شكل الموتر وخاصه البوم اللي مرتفع حق الشيل قلت لابوي وشو ذا يبه؟ التفت علي بكل حنان وقال : وشو لا اسطرك؟ قلت : الموتر اللي قبل شوي سقط علينا اردف قائلا : هذا ونش سالته : وشو الونش؟ حك راسه الله العالم انه ورط .. ونش يعني ونش مايبيله تعريف طيب علمن يبه وش معنى ونش؟ ويلخسن بنظره الى يومك اتذكره .. نظره مشوبه بالوعيد والتهديد ولسان حاله يقول : اولالاه لو تنثبر خلو عنكم بس .. هو ورط .. عرفت هالشي حين استرجعت السالفه يوم كبرت :D المهم ماعرف معنى كلمة ونش وابلشه ابلالالاش ابيه يعلمن وهو الله يعظم اجره بلش وماوده يقول انه بلش :D يوم شفته مهب معلمن قعدت اصيح واصيح طوووول الخط عاد هو يوم شافن تسذا حامت تسبدوه وطق اللطمه وطوّل على الرادو :D فاقولك هذا يدل اني غثيث واني ان صممت على معرفة الشيء لازم اعرفه يالله علمن وش معنى ازهرة :D قصرت من الهمق مع السلامه :D:D :D __________________ انتبه .. سيتغير التوقيع بين كل فتره واخرى .. كن معنا :)