[برفسور ملتمس]

اقتراح مميز وبالعكس الواحد يرتاح يروح يودي أهله ، يطلع يشوف مبارة يروح صالة ، خصوصاً بالعاصمة صار الواحد مايرتاح بعكس مافيه بالقصيم والسبب الانفتاح ..

هي من الصعوبة أصحاب المولات راح ينفردون في مول عبارة عن مشروع ضخم وخاسر ملايين عليه وبيحطه لنسبة بسيطة معينة للنساء قد ينجح وقد ماينجح لانه بالاول وبالاخير هو يفكر بمصدر ربحه وينظر للمعطيات الي قدامه ( نسبة قليلة من يريدون ذلك ).. والاغلب عندنا أجانب ومن الطبيعي ماراح ينافس حياة مول أو صحارى أو حتى الرياض غاليري فالعائلة تبحث عن الأميز والبضاعة الجديدة حتى لو كانت بالشارع ..

ولو فرضنا وحطو نظام ( ساعات نساء ، وساعات رجال ) بالمولات ، ايضاً ماستفادو شي لأنه بيتطلب لكل محل موظفين 1ـ نساء 2ـ رجال = يداومون بالفترتين ، ولو حطو بائعين رجال لكل الفترتين بتدخل فيها النوايا وليش وما إلى ذلك وايضاً لو حطو نساء ( الحريم مارتاحو والسبب ازواجهم يطالعون البائعات وايضاً الشباب والمحل الفلانيه فيها بنت حلوة ويالله عاد ....إلخ

أما بخصوص الحدائق عموماً من الصعوبة تكون نساء وفيها حرية ( لأنها مبنية على أسوار مفتوحه ومتنزهات ) والبنات ماراح ياخذون راحتهم لاسيما وجود جوالات الكاميرا ، وأعتقد اذا كان قصدك الملاهي ( الحكير حاط ساعات للنساء ) ..

بالاونه الاخيرة : صرت أشوف كوفي شوب ( خاص للنساء ) بس الأغلب مايرتادونه الا ( سيدات الأعمال ) ويحتاج نظام اتيكيت وهدوء وأكيد قصدك عائلة واطفال فصعبة يتكيفون فيه ..

فياعزيزتي أفضل حل هو ( ساعات خاصه بالعوائل ) مع التشديد بالمراقبة من قبل الهيئة ( رجال ) واضافة هيئة نسائية تنصح البنات وتمنع الاحراج للرجال