[برفسور ملتمس]

مع اني مو من القصيم ، وواضح انك جالس توصف شوارع بريدة ، ويعجبني فيك انك دقيق ، وأتوقع أن لك خبرة في البلاي ستيشن أيام المراهقة ( طبعاً) والدليل الجلنطات الي انت جالس تقولها ..

شوف ، ترى درايفر وحرامي السيارات ( يفرق ) عن الواقع ، مسألة أن المرور يبي يطارد ورى هالمراهقين فهاذي اسمحلي ماحد يسويها ، لأنه قد بمطاردتهم يسبب حوادث ، فهو ( سيارة ) قدام أكثر من ( 15 سيارة ) ، أو هم يهربون ويسببون بحادث ، ولاسمح الله هذاك قلتها ( انت معاك عائلة ) يمكن بهروبه يصدم بعائلة ثانية .. نسأل الله السلامة ..

فأكيد هو راح وبلغ وراح لشارع ثاني ( وباتصال لشخص ثاني يروح لإتجاههم ) يعني أتوقع ( أنها خطة أمنية ) هذي من ناحية التوقع والي اشوفه يصير ..

وصحيح كلامك قد يكون راح طبعاً وهذا مايصير الا اذا كان ( جايه بلاغ ) فيمكن انت تشوف قدامك حادث تجي دورية ماتوقف تروح وتخليه لأنه مسؤول عن بلاغ في حادث أو شي آخر .. فكل شخص يطبق عمله على حسب بلاغه ، والا كانت الدنيا سبهلله اذا كل حادث أو مشكلة بيوقف ، وتعتمد ع الحظ ..

هذي وجهة نظري ، وتعليق رائع عن جد وشرح مفصل ، وبالتوفيق ..