[To be]

اقتباس المشاركة الأساسية كتبها زاويه حادة السلام عليكم ورحمه الله وبركاته

وعليكم السلام ورحمة الله وبركاته .. ،

اقتباس المشاركة الأساسية كتبها زاويه حادة كل عام والامه الاسلاميه بخير,,,

وأنت بخير ، عيدكم مبارك

اقتباس المشاركة الأساسية كتبها زاويه حادة هل تغيرت سلوكياتنا ام هي سوء التربيه

سلوكياتك أنت ما أدري عنهن ، بس أنا سلوكياتي يا الله لك الحمد زي الفل ، حتى اللي حولي دايم يمدحونن يقولون يا محمد وش هالسلوكيات اللي عليك الله لا يضرك

اقتباس المشاركة الأساسية كتبها زاويه حادة قرابه دخول وقت صلاة الفجر اذ بشاب يتراقص مع موسيقى امام الملا دون حيا او خوف

الله يهديه ويفتح على قلبه ، شاب داشر غافل يحتاج توعية و يبي له قحشة من السنوات علشان يركد
والخير واضح بوجهك يا زاوية حادة ، إنكارك الفعل الشنيع

اقتباس المشاركة الأساسية كتبها زاويه حادة انا اتمنى ان يكون هذا الغافل ليس من ابنائنا(بريدة)

إيه بس ، أضرب فرامل عند ذي بارك الله فيك
وش بهم أبناءك حقين بريدة الله لا يضرهم ! منزلين من السماء ولا يخطون يعني ؟
مشكلة النظرة المتنكة ، إذا صار فيه خطأ رجع الخطأ لبريدة وأهل بريدة أو شباب بريدة !

حتى عنوان الموضوع يبط التسبد بريدة إلى أين !
قسم بعض البشر ما أدري وشلون تفكر ؟ يعني شفت لك بزر يرقص ، تقول بريدة إلى أين !
وأنا داخل الموضوع أحسبك تبي تكلم بالبلدية ولا شيء يستاهل

مثل هالقضايا منتشرة بكل ديرة بارك الله فيك ، لا تدخله ببريدة يقالك تبي تحرك عواطفنا أو تستثير أهل بريدة الله يعفو عنك .. ،

اقتباس المشاركة الأساسية كتبها زاويه حادة هل هؤلاء الاشخاص دخلاء على مدينتنا ام هم ابناء بريدة

وتستمر النظرة المتنكة

اقتباس المشاركة الأساسية كتبها زاويه حادة اتمنى ان تكون هناك ردود (وجهات نظركم لحل المشكله)

وجهة نظري كتبته فوق ، وبعدين بارك الله فيك يوم شفت هالوغد كان فسرت ذرعانك ورحت ونصحته وتنتهي المشكلة


تقبل مروري