[نجدية حرة]

نلف نلف ونرجع للفنس على قولة جدتي..

مافيه مثل الاندنوسيات من ناحية الشغل والصبر والأمانة..
تلاقيهن حتى لو كانت الوحدة فيهم زعلانه او تعبانه تشتغل ماتترك الشغل أو توهقك اذا جاك ضيوف وجت حاجتها مثلا.. يعني تحسهن حقانيات يتعاملن مع الشخص حسب تعامله معهن يعني ان احترمتهن حطوك فوق روسهن غير النظافة يالله من فضلك والمظهر المقبول..
بس لو يتركن هالشرافة واللقافة..

بغض النظر عن باقي السلبيات الي فيهم والي أكيد مايستهان فيهن.. لكن مالك الا انك تدعي وتستخير حتى لو تتصدق بأذن الله بيدفع سبحانه عنك بلاهن وبيطعمك خيرهن..

حتى الفلبينيات ترا بعد زينات لا وأظف على مميزات الفلبينيات مثقفات ومحترمات ومالهن بشفاحة الأندنوسيات بالرجال ومابهن لقافة أبدا وشغيلات وأمينات وشايفات خير ونظيفات ومنظرهن مقبول يعني من جميع النواحي زينات بس عيبهن يبن معاملة خاصة يبن حرية وعدم تقيد تعتبر أنها مسؤلة من نفسها ومالأحد حكم عليها..
بس هالعيب. لكن كثير من الناس يعتبرونه عيب أساسي..

اما كينية بصراحة ماأضمنلك خالتي جابت كينيه اول ماجابتها كانت من أحسن مايكون امانه وسنع وبحاله مالها دخل بأحد لكن بعد فترة اقتلب حالها بدون اي سبب الشغل صار تسكيت وعجز ولما راحت لأهلها لأنهم عندها بالرياض كلمتها خالتي بعد ماطابت النفس منها وقالتلها انا ما أقدر أجيبك مرة ثانيه دوريلك أحد غيري ردت النيبالية وقالت شكرا مدام! وكأنها ماصدقت!


المهم هي بالعموم توافيق من الله لكن ما نغفل عن الدعاء والاستخارة والصدقة ترى الموضوع يستاهل التعب وانت تبي تأمن بيتك على انسانه مجهولة الله يكافيك شرها ويطعمك خيرها..

اتمنى اكون افدت وأضفت شي جديد..
وأعتذر عن الاطالة..