[MiSO]

السلام عليكم ..


انا مسجل خصيصا لهل المنتدى الرائع فقط عشان اضم صوتي مع الشباب مثل اخوي

المنخرش واكشف فضائح هالشركة الملعونه كويست نت ..

انا احد المشتركين فيها سابقا ورقم الأي ار حقي مستعد احطه فقط لأثبت كلامي

hz739532

لو تدخلون الموقع وتحطون هالرقم في قسم التسويق بيطلع لكم اسمي ..





انا ما راح اتكلم عن المنتجات ولا عن مصداقية الشركة .. هذا كله حطوه على جنب ولو جابو مليون دليل على مصداقيتها انا ما علي منه ..




انا الي علي منه وش فكرة الشركة وبدأت على وشو وش طريقة عملهم ..


اول ما بدأت الشركة عام 1998 كانوا فقط يتعاملو بالقطع الذهبية ابو كلب الي كانت تصنعها شركة بي اتش ماير

وكان يمديك تشترك بالتقسط وهذا حرام طبعا شرعا انك تشتري عملة ذهب بالتقسيط ردا فقط على الي يقول شركة مسلمة ..

ثم نجحت فكرتهم زي اي شركة تسويقية ويوم شغلهم توسع بدأو بالتعاقد مع شركات اخرى وتوسيع نطاقتهم

وكشف وش ممكن يوقف طريقهم ..

فا ابتكروا طريقة غسل الدماغ وملأ رغبات الشخص اثناء المقابلة كيف يقنعون هالمسكين يدخل ..


قالوا اول شي نتكلم عن احلامهم .. فا يبدأ الشاب يفكر في نفسه ويقول انا عندي هالاحلام ابي وسيلة احققها ..


ثم يتكلمون عن وضعه المادي .. كم راتبك ؟ كم توفر منه ؟ لو قلنا توفر 2000 بالشهر على سنه 24000 ريال هل هالشي راح يحقق لك اي حلم ؟ بتقول لا ثم يبدأ الشخص يتكسر نفسيا ويتعمق ويفكر كيف طيب ودي احقق ..

قام يقوله طيب ع 30 سنة كم بيصير ! المسكين بيرد 730 الف .. فيرد يسأله يقول 730 الف بعد 30 سنة بتحقق لك اي شي من احلامك ؟ بتقول لا وانت محطم نفسيا .. ثم يرد يقول تره 730 الف الان ما تحققلك شي ..

الان في هاللحظة الشخص الضعيف بينفجر داخليا ولو تعرض عليه مخدرات ممكن يواقف ههههههههههههه ..


يبدأ يعطيك فكرة المشروع ويبين له كل مساوء وعيوب المشروع .. انه يبيلك عمال وموافقة وراس مال ومتابعه ..

و 80% خسران ع قولة علماء الاقتصاد .. فا تبدأ نفسية الولد تتعب زيادة يقول صدق بخسر .. اخر شي

يقوله من سنتين إلى 4 سنين احقق لك احلامك تصدق ولا لا؟ مادري مصباح السحري ..


ثم يقولك اانا انت تهمني وشفتك شاب ومن هالقلق .. ليه ولد اختك وانا مدري ؟


المشكلة يوم وافقت معاهم تعمقت كثير .. وشفت اساليبهم وتدريباتهم تحرضهم انهم ياكلونك اكل وياخذون فلوسك باي طريقة ان شاء الله لو تبيع بيتك ورب الكون حرفيا هالكلام يبونه واقسم باللهي الذي لا اله الا هو ماهمهم

غير انهم ياخذون فلوسك وخلاص وحصلت معي والمشكلة الرجال مربي لحية مغسول دماغه ميح يحسب انها حلال او هو يبيها حلال مدري يطلق عبارات الكذب بشكل مو طبيعي ..

تعرف علي بالدوام قبل ما يعرض علي المحاضرة باسبوعين ناداني وطلب اسمي معاي بالدوام ويبي يعرف حالتي المادية ..

واخر شي قالي مهم انه نتعرف ع بعض دام احنى زملاء عمل عشان نعرف نتعامل مع بعض ..

وما هيا اسبوعين يدعوني لمقابلتهم بخصوص ( مشروع ) وبعدها شفت طبعا ساعات حلوة وكان هدفي الاول شراء الساعه حتى لو ما تعمقت بالبزنس كنت ابيها هدية لشخص .. ماعليكم بالطويلة ..


اثناء التدريبات يطلبون منك تتعرف ع ناس اكثر يعني تتمصلح معهم هذا اول حاجة شينة بالموضوع يبون يغيرون شخصيتك ..

ثاني حاجة يطلبون منك انك تتفهم ممكن احد يفهمك غلط ويغلط عليك ويعطوك قصة واحد صديقة سبه بسبب هالبزنس والرجال ما همه تابع البزنس وصار عنده خير وصديقه ندم ورجع له .. فا انت هنا خلاص الفكرة ترسخ بدماغ وتصير مستعد تسويه لو حصلت لك ..

يعني يبوك تكون مستعد لو خسرت اصحابك ايزي هالشي .. يا سلام عليكم ..


ثالث شي يبونك تتعود تكذب وتكبر الامور ويخفون اي جانب سئ بمشروعهم .. مثال ع الكذب .. انك تقول انه عندك ناس واجد وجابو لك ناس واجد وانت نصاب حدك واحد ولا اثنين .. عشان الي وياك يتحمس ويشتغل ..


ويخفون اي جانب سئ مثلا سالفة المشاكل الي تواجهها من الناس وحاجات مثل كذا ودايم يحسسونك انك لو تركتهم

انت انسان سلبي وبلا هدف .. وعندهم كل الناس الي انعرض عليهم البزنس ولا قبلوه هو انسان سلبي ..


انا حضرت تدريباتهم واخر تدريبات حضرتها كنت قاعد اجهز اكبر قدر من المعلومات عنهم وعن اساليبهم الوسخه ..

على اساس بعدين اقدر اجي واهاجمهم بكل الادلة والبراهين ..

ولقيت موضوعكم هنا قلت اجي اسلم عليكم واضم صوتي لاكن هذا مش ردي عليهم الان .. قريب راح انزله وبكل ما اوحيت من قوة ..


ويا ليت من المنخرش ترسلي رقمك ع الخاص لاني ماقدر ارسلك