[سعفة]

دوك توقيع <<<=== يارب ما يفهم غلط :D


[rams]http://www.islamcvoice.com/ansheed/b26.ram[/rams]


الله يومك صغير لو تذكرها..كنت أصغر عيالها واكبر أمانيها
مرت عليها ليال ما تصورها..لو قلت ما قلت ما صورت ماضيها
واتحملت من همومك في خواطرها..من وين ما رحت و لا جيت ساليها
من أول الخطوه اللي في تعثرها..حتى آخر الخطوه اللي تو ماشيها
وان نامت اليل صحت لك مشاعرها..تخاف تحتاجها ولا تناديها
كم لعبة قد شرت وانت تكسرها..و مرة ثانيه ترجع و تشريها
تقدر على كل شي بس خاطرها..ما يحتمل دمعه في عين غاليها
كم ليلة غبتها وابطيت ساهرها..نامت و قامت وخافت من تواليها
تجلس ورا الباب واتقلب ستايرها..و تضوي مثل شمعة بالبيت ناسيها
تذوب و تجفف الدمعه على خلها..يا خوفي إنك على هالحال تنهيها
ماهي بحمل السهر حتى تسرها..اليوم شابت و حق إنك تراعيها
واليا تزوجت خذ بنت تقدرها..تبر فيها مثل برك وتغليها
حتى لو الزوجه أخطت دون خاطرها..وسوت لها حاجه ماهي بترضيها
تى لو امك ما قالت وش يكدرها..عشان خاطرك وشالت جرحها فيها
قل يا مره هذي امي في ضمايرها..شي ولا ودها تقول ومـاليها
ولا يكدرني إلا اللي يكدرها..ولا يعنيني إلا اللي يعنيها
والزوج اللي على المعروف اعاشرها..ان ماعرفت حقها والله لا اخليها
وصية قلتها للي تذكرها..الوالدة كلمة صعب معانيها..
ياللي عيونك على الجنه تناظرها..طلبك غالي لكن تحت رجليها