[المحيميد]

والنعم في كل القبائل عن العيب ** افعالهم بالمجد حافل كتابه

حنا بني خالد كسابة الطيب ** تشهد لنا العدوان قبل القرابه

حنا هل الميقاف وقت المواجيب ** تاريخنا من عصر دور الصحابه

حنا هل التقدير بين الاجانيب ** عند العرب نحضى بقدر ومهابه

حنا ليا هلت دموع الرعابيب ** نقدم على الموت الحمر مانهابه

خنا ليا صارت حقوق ومطاليب ** ناخذ ولا نوخذ نهار الطلابه

حنا ليا عكر لصافي المشاريب ** نطفي ضما العطشان مثل السحابه

حنا ليا هبت سموم اللواهيب ** ربيعنا يابخت منهو حضابه

حنا ليا من كشر انيابه الذيب ** ما نحسب حساب لقنيب الذيابه

حنا حماة الخيل والفطر الشيب ** يوم الليال الماضية ينغزابه

حنا الدواء لجروح عطب المضاريب ** لا طاح بالميدان ينزف صوابه

حنا مقر الرأي عكف الاشانيب ** صغيرنا فالرأي يحسب حسابه

حنا ليا صاح المنادي له انجيب ** يفرح ليا سمع المنادي جوابه

حنا منازلنا بعال المراقيب ** امن الحساء لحدود تدمر وطابه

حنا لضيف الجار عز ومعازيب ** انجود بالماجود حزت غيابه

حنا سيوف الحق بين الاصاحيب ** تزداد فينا بالشدايد صلابه

والنعم في كل القبائل عن العيب ** افعالهم بالمجد حافل كتابه

اقولها من دون شكه ولا ريب ** شاعر وامجد لابتي بالنيابه