...
من باعنا بالرخص حاشا مانبيعه
فينا المروءه من اصل وطباع
لا راودك بليس حاول لا تطيعه
اما المروءه لا تنشرى او تباع
ياصقر حر فوق المنيفات المنيعه
مهما حصل عالي ماتوصل لقاع
في السماء انت والبر تحتك جميعه
وفي البحر قبطان ماتطوي شراع
قناص تقنص في صحرى وسيعه
اما الدجاج للثعالب والجيف للضباع
حتى نسور الجو كادت لك وقيعه
ماقصدهم الا تجي مكسور الذراع
دايم كريم الاصل ياتي بالطليعه
باقي على عهده في كل البقاع
العهد عندك عهد والخاين يبيعه
والحق والباطل دايم في صراع
ياصقر صياد وضرباتك سريعه
مايختفي للحر كذبهم والخداع
من كيدهم النفس معلوله وجيعه
لكنها تحتار في خافق شجاع
الصديق مبدأه مايرضى بالخديعه
سالك دروب الحق مافيها نزاع
الله ربه ومحمد الهادي شفيعه
هذي طريق الخير مافيها ضياع
وسلامتكم..