خاصه لمن كان معي قبل 20 دقيقه
ابشري بالشعر ياشيخة دواوينه وتاجه
لو طلبتي شاعرك يكتب لك من ازرق وريده
بس انا لاجيت ابكتب ينشغل بالي بحاجه
۩ كيف ابكتب بك قصيده توصفك وانتي قصيده ۩
لك دَلال الشعر وغيابه وتعقيدة حجاجه
بك تغليه وجموحه وابتسامته العنيدة
لك حضور النور والفجر وتفاصيل انبلاجه
واسمه ورسمه وذعذاعه وطلاّته وعيده
تذهلين الخيزران بسمح قدّك واعوجاجه
تسلبين الريم فزّاته ولفتاته وجيده
تشبهين الما ولا انتي الما ولو فيك ارتجاجه
لا تشاقى طفل يلمس صفحته باصابع ايده
لا تزمّي الورد في ثغرك ويتعكّر مزاجه
من غواية شاعر ما انتي بطفلته الوحيده
واغفري للشاعر المتلعثم ذنوب انحراجه
والله ان الجرح الاوّل لكن الطعنه جديده
شاعرك ماخاف جرحه ما يخاف الاّعلاجه
لايريد اللي يقول ولا يقول اللي يريده
ما دخل في سوق الا بعد مايعرف خراجه
والنخل ساسه تحت الاقدام وعذوقه بعيده
ما علينا كلما اشتد البلا قرب انفراجه
طعنة ما تذبح الرجال ياعشقي تفيده
بعض ما فيني كتبته وان بقى في القلب حاجه
عشقي جنوني وانتي في بالي قصيده