[صمت النار]

اقتباس ولا احد اصدقاي يقول اتتن اضافه من بنت بالغلط المهم تعرفت عليه وحبيته ويقول والله منب حابن زوجتي مثله

والله يافقعت راسي كلمة ( اتتن ) راح بالي ان معناها ادخن وطلعت ( اتتني ) أجل اتتن

ماعلينا

حسبي الله على بعض البنات إن لم يكن أكثرهم
كيف انكم دمرتوا الشباب ولعبتوا بعقولهم وحستوهم حوووس

المغزلجية وضيعتوهم وخليتوهم يمشون طريق الفساد والمغازل ..
والعاقلين لعبتوا بحسبتهم وخليتوهم يعيشون بخوف ورعب من زوجة المستقبل لاتكون مغزلجية او راعية نت ..

المهم ياكاتب الموضوع وبعيداً عن الموضوع إذا تبي رايي بكل صراحة لاتتزوج وريح راسك
وإلا تزوج وذنبك على جنبك ( بس أهم شيء انك تكون قدها وقدود والعود من اول ركزة والحرمة من رجالها )

المهم ونجي للجد

من يرغب بالزواج يجب عليه أن لايفكر بماضي البنت هل لها علاقة او تحب او ماتحب وهل تدخل انترنت والا ماتدخل ,, بسلامتها إن شاء الله حبت الف واحد ماعليك منها .. وإذا أي شاب ناوي يتزوج بيفكر بهالشيء فالافضل ان لايتزوج قبل أن يعالج نفسه ..

ومن يرغب بالزواج يبحث عن العائلة المحترمة والمعروفة بسمعتها ويسأل عن إخوتها ( هذولا خوال عياله بالمستقبل لازم يفكر صححح )
ثم يسأل عن البنت من ناحية اخلاقها ( برغم أنه ماراح يلاقي الحقيقة لان المرأة لاتكشف اسرارها لأحد ) لكن يسأل عن البنت ,, ( هي بنت سنعة وقرمة وراعية بيت واهم شيء تعرف تخطب والا لاااا ) لأنه كل شيء تقدر تعلمها وتزرعه فيها إلا الطبخ لانك ماتعرف تطبخ فكيف تعلمها ..

وفيه نقطة مهمه الله يهديك , وهي ردك على من الجماعة وقولك عن الغير سعودية أنها تفقد شرفها زي السلام عليكم ولا تعتبره عيب ..!!! ليه وش شايفها ..؟؟ الله يهديك بسسس هناك غير سعوديات اشرف من بعض السعوديات بكثييييييير .. فليتنا نبتعد عن التعميم أو التعرض للشرف .. وهذا الكلام للجميع ..

أخيراً رد الأخ من الجماعة صحيح واوافقه الرأي , ولكن البعض فهم الرد بعاطفته لا بعقله ..

ولا تنسى ياكاتب الموضوع إذا حددت الزواج تعزمني علشان اجي اعزيييك