[برفسور ملتمس]

* اهل بريدة قصمان غير اصيلين
* حنا بالشمال فعلنا كذا وكذا
* قبيلة .........التي هو منها هي اشرف قبيلة
* الحضر ببريدة مالهم اصل
* اهل بريدة مشهورين بفعل ................. والعياذ بالله
________________________________

هل من المعقول أن يتهجم المعلم بهذه العبارات ويلتزم الصمت المرشد والطلاب الآخرين والمدرسة بشكل عام ، وهو يتكلم عن منطقتهم الي هي ( القصيم) أو مافيه الا ولدك قصيمي والمرشد والطلاب الباقين مجمعين وماعندهم غيرة ولاحتى كرامة )

يعني ردود الفعل بالمنتدى ( تأثرت ) فمبالك ردة فعل المرشد المسؤول والمحاسب عن المدرسة .،

طبعاً أنا ماقول أنك ( تكذب ) بالعكس أغلب الشمال وبعض المناطق ( عليهم عنصرية ) وقبل مايسلم عليك يسالك ( وش ترجع ووشو فخذك ، ومن شيخكم هه استغفر الله بس ) << وجايك الحرس بالقصيم وتبي تدمن عليها

لكن الله يسلمك حتى ردة فعلك مثل المرشد ماهي قوية ، والدليل سويت ( تليفون )

لذلك أن كان فعلاً ماتقول صحيح فهالأمور مايبي لها تليفون ، يبي لها زيارة للمدرسة وجلسة مصارحة مع كامل كوادرها ، من مديرها إلى مرشدها، ومناقشة هالقضية لأنها تختص بالتربية خصوصاً بهالعمر ، والمدرسة تحت مظلة وزارة التربية والتعليم ، تربي وتعلم ، وتتأكد بنفسك ، وإذا كان كلامك صحيح فأنقل ولدك إلى مدرسة ثانية وياكثر مدارسنا وفك عمرك من العناد لاسيما أنه بالابتدائي ومرحلة حساسة ، واذا بتقول لا بخليه يكمل فيها وبتخانق مع المدرس ، أجل الله يعينك وصبح ومسي على سالفة ولدك بأسئلة ووشقالك ووش قلت له ، ولاتجلس تسوي المنقذ بأن المشكلة عامة ومايصلح أسكت، لأنك سويت الي عليك وبلغت المسؤولين عن المدرسة ، وسلمولي على قرار ( تعليم الجنسين للابتدائي) وياحليل البنات وتدريسهم لاعنصرية ولا القصمان فيهم وفيهم ، وياليتي لاحق على تعليم المدرسات كان أفكاري بريئة وكل همي دراستي ، وأقوى عقاب أتلقاه منهن / تصحح بدون نجوم ، أحسن من هالي عيفونا المدارس وكرهونا العيشة وحياتهم مابين مزاين وقناة الساحة ، وارفع يديك وقول يالله السلامة .،