[فـارس]

اقتباس المشاركة الأساسية كتبها كتكوتة جميل جدا.. اسلوب التحقير متداول بيننا..لاحول ولاقوة الا بالله.. مثل (وش انت تراك بدوي)..والا مالك اصل والا تحقير اللي امها مو سعوديه.. يارب تهدينا..

هذه الالفاظ وانا اخوك ما يقولها الا شخص ناقص

وكل اللي يطلعون بالقنوات ... بشكل معين .. وحنا عيال الفلان .. وشرابة الدم
ومدري ايش هذولا .. من النقص اللي فيهم

كنت اطبق في احد المدارس في اخر ترم لي بالجامعة
وسألني احد الاعراب وهو في سادس ابتدائي : وش انت يا ستاد ؟؟

قلت له وش دخلك

قال ايييييه يعني طرطور ؟؟
انا ضحكت بس كتمتها وغيرت السالفة
لانه ماله مصلحة يدري وش انا
لكن هي تربية ربوه عليها اهله ....


مشت الدنيا .... وسكنت في الدمام .. وكنت مستأجر من رجال من القصيم

ويوم من الايام زارني زميلي بالعمل لحاجة له ... وكان هذا الزميل بلوشي غامق البشرة.

كلمني ولد صاحب البيت من بكرى ... يقول لي : لا يدري ابوي انك تدخل عبيد لبيتك.. والله ان يزعل عليك

قلت له ...............................................

مصيبة يعني حتى اللي مواليد الدمام .. ما سلمو من الجاهلية العمياء