[اللؤلؤة المصونة]

اقتباس المشاركة الأساسية كتبها flowers السلام عليكم اخواتي ارجع لكم بعد غيبة طويلة واقولكم تجربتي مع الحبيب بطفلي الثالث وارد على الاخت اللي تسأل عن الدكتورة ندى انا حجزت وراجعت عندها على اساس تولدني ولما جت ولادتي رحت لهم واخذو من طبعا قبل لأطلع لغرفة الولادة 6 الاف ريال يعني اهم شي يضمنون حقهم تحين تومتين بكيفك المهم طلعوني فوق والرحم فاتح اربعه سانتي وانا اقول نادو لي ندى والقابلة اماني الله لايجزاها خير تقولي لين يفتح عشرة سانتي واخذت مني دم بس ما قالت لي ليش و طلع تحليل شامل اخذو طبعا حقه بس اكل فلوس المهم جتني الدكتورة ماجدة من الطوارئ تبي تولدني ورفضت لاني حاجزة ندى فتح الرحم عندي 6و8 سانتي وانا اقول نادولي ندى وتقول لي اماني عندها عيادة اذا فتح عشرة اناديها وانا الطلق حامي معي وطلبت ابرة ظهر قالت لي ادفعي اول تحت وانا الالم معي زايد وقاعدة اتلوى من الوجع و د ماجدة عندي وقرب راس الطفل يطلع وهي ترفع السماعة تطلب ندى والولادة عندي خلاص قربت قلت لماجدة خلاص انتي من الألم وولدتني يعني كلها نصب في نصب وانا وش يدريني متى يفتح الرحم 10 سانتي علشان تشرف ندى وكلمة الحق تقال الدكتورة ماجدةباكستانية كانت طيبة مرة هي الممرضات الا النصابة اماني حتى اخطأت بالوريد عندي وطلع معي دم واسبوع والعرق اخضر ويؤلمني تقول انها حطت لي بنج في المغذي بس ماتغير شي الالم هو الالم واحس ولاداتي بالحكومي احسن وبالنسبة للكمامة اشم ولا ماشم لاتخدرت ولا شي وبعد ماولدت وخلصت بساعة شرفت ندى وريحت عطرها يشمه اللي بالشارع تسأل عن اخباري قلت ليتني اسلم بس يوم بغيتك ماجيتي وبالنسبة للخياطة الحمد لله مافيه الم بعد الولادة ابدا لكن ماهي تجميلية بس ماظبتها لي لاني احس بتوسع بعد الولادة عكس خياطة الحكومي لذلك د ندى ما أنصح بها لانها ماتهتم وليست حريصه على مريضاتها والله يقومكن بالسلامه.

اول شي الحمدلله على سلامتك
ثاني شي وانا أقرا كلامك اوجعن بطني تذكرت الولاده
الله يعين و يسهل
صراحه الوحده اذا جت تولد تحتاج أحد يهتم به ويهديها و يوقف معه
والولاده نفسه الله يسهلها سبحانه
الله يكتب الخير للجميع