[tgho]

اقتباس المشاركة الأساسية كتبها yasoo1976k ان وجود ساهر في الشوارع لهو رادع لكل من تسول له نفسه السرعة وقطع الاشارات لان ما شالله العالم والناس ما تهدي من السرعة ابدا انا بنفسي شهدت 3 او 4 حالات دهس لنساء واطفال بشوارع بريدة بسبب السرعة الطائشة من شباب لايهمه ارواح الناس وخاصة مايسموا بأهل الربع

اقتباس المشاركة الأساسية كتبها مفك14 تبي حريمنا وعجايزنا يرقون درج حسبي الله عليك وعلى كل الأنانيين هذي مشكلة بريده كل واحدن همه نفسو وبس

اقتباس المشاركة الأساسية كتبها ((بندر )) والله ياهي هاجتن بك ياتاج القصيم . أجل تبي جسور مشاه وانت تنابط بموترك وتوذي خلق الله تحت الجسور !

تبي نوقف السيارات بطريق الملك عبدالله ونترك العالم تمشي مثلا !!
دقبل كل شي .. انا مو ضد ساهر .. ومتاكد ان كل الاخوان اللي لهم وجهة نظر

مو شرط انه يبي يلغي ساهر ..

بس كل شي بالمعقول .. نبي شي واضح .. مو لعب على العالم !!

يعني طريق الصناعة السرعة 25 !!

هههههههههههههههههههه .. يالله كيف 25 !!

لو تمشي على رجليك سبقت السيارة !!
والخبيب 40 !!

اوف اوف .. بتزيد الزحمة زحمة .. وبتنحاس الامور !!

واذا تعديت بنك الرياض الخبيب .. شمال .. تزيد السرعة .. واذا تعديت تتغير السرعة بعد ..

كود الواحد يركب خريطة بالسيارة لتحديد السرعات !!

شارع الستين .. وانت متجه شمال 80 .. جنوب 70 !!

سواليف هي ؟!

الدائري على ما سمعت تعدل .. ولا كيف تكون السرعة 110 !!

اتمنى ان السرعة تعدلت وصارت 120 ..

يعني الرياض وهي الرياض .. على زحمتها .. وعلى كثرة السيارات .. والعالم تشتغل 24 ساعة .. وسرعة الدائري 120 ’’ تجي وتحدد سرعة الدائري 110 .. مع انه لا زحمة .. و3 مسارات ؟!

يعني فعلا شي غريب .. ويوجع الراس

انا وغيري .. نبي نظام واضح .. الطريق 3 مسارات السرعة تكون معروفة .. مسارين معروفة سرعته ..
ما نبي طريق واحد .. كل اشارة تتغير السرعة ..

والله يفكنا من ساهر .. الى ما تتعدل الامور ..