اول شي شرح اذا اردت اظافة اندرويد على الذاكره الداخليه ( مستحتسن )
ان شاء الله فى هذا الموضوع سنضع طريقة تنزيل الاندرويد على الذاكرة الداخلية للجهاز & و طريقة تثبيته على الميمورى الخارجية لمن يريدها & و حل معظم المشاكل الشائعة المتعلقة به
احنا هنقسم الموضوع الى 4 اجزاء رئيسة
الجزء الاول لتقسيم الذاكرة الداخلية لان طبعا على الوضع الحالى مش هنقدر ننزل الاندرويد عليها فلازم نقسمها من تانى و نعمل بارتيشن خاص للأندرويد عليها
الجزء الثانى لطريقة التنزيل على الذاكرة الداخلية بعد الانتهاء من الجزء الاول الخاص بالتقسيم و التأكد من صحته
الجزء الثالث لطريقة التنزيل على الميمورى الخارجية لمن يريد و لا يريد ان يقسم الذاكرة الداخلية خوفا من اى مشكلة
الجزء الرابع لحل المشاكل الشائعة التى تواجه الاعضاء
# بعض الملاحظات الهامة قبل البدا فى الموضوع و يرجى اتباعها حرفيا و عدم محاولة تغييرها :
1- الطريقة امنة و مجربة على تليفونى الخاص و تعمل بدون اى مشاكل و لكن للعلم التنفيذ على مسؤليتك الشخصية و لست مسئول انا او المنتدى عن اى ضرر ينتج من تنفيذك للطريقة رغم امانها التام و لكن للتنبيه فقط
2- بالطبع يجب ان يكون rootsh مثبت لديك حتى تصبح روت للجهاز و تستطيع تنفيذ الاوامر
3- الطريقة كلها ستكون عن طريق اوامر التيرمنال و ستوضع الاوامر فى مربعات لذا يجب نسخ المربع كاملا و يتم لصقه فى التيرمنال اى لا تنسخ سطر سطر يعنى لقيت مربع فيه سطر واحد انسخه و لو فيه مليون سطر انسخهم كلهم على بعضهم برضه
و هنا اكرر انسخه انسخه انسخه يعنى متكتبوش عشان الاخطأء حتى لو انت متأكد انك كتبته صح برضه هقلك انسخه و خصوصا فى جزء التقسيم للذاكرة الداخلية لحساسيته الشديدة و خطورته
4- لمن لا يعرف طريقة النسخ الى التيرمنال : ممكن انك تفتح صفحه النت اللى بها هذا الشرح و تنسخ الاوامر مباشرة من الصفحة الى التيرمنال و ده بإنك تحط القلم على الشاشة من الناحية اليسرى من الخارج و تفضل ضاغط عليها و تدخل فى اتجاه الشاة ستجد سهم قد ظهرلك تذهب به الى اتجاه النص المراد تحديده و تضغط على زرار shift اللى هو اخر زرار تحت على الشمال فى الكيبورد و تفضل ضاغط عليه لغاية ما تحدد النص اللى انت عايزه و بعد كده سيب الزار و ضغط ctrl + c لنسخ النص و اذهب الى التيرمنال و اضغط على نص الشاشة من فوق ستظهر لك قائمة اختار paste للصق النص الى التيرمنال ثم اضغط انتر لتنفيذ الامر
أو ممكن تنسخ الاوامر اللى بالموضوع كلها الى ملف text لديك و تحطه على الموبايل و تفتحه و تنسخهم الى التيرمنال مع ملاحظة انك تنسخ الاوامر اللى فى مربع واحد على بعض
4- احنا هنزل الاندرويد على الذاكرة الداخلية للجهاز و لن تحتاج الى وجود ميمورى و لكن هناك نقطة مهمة انه سيكون لديك 4 اختيار لانه هناك اختيار يفتح الاندرويد اذا كانت هناك ميمورى موجودة بالجهاز و الاختيار الاخر فى حالة عدم وجود ميمورى رغم ان الحالتين لا تدخل للميمورى نهائيا فى النظام و لكن ذلك بسبب ان الجهاز بيقرا الذاكرة الداخلية بطريقة تختلف فى حالة وجود ميمورى من عدمه
نبدا بالجزء الاول :-
طريقة تقسيم الذاكرة الداخلية للجهاز ( 32 جيجا ) لعمل بارتيشن جديد خاص بالاندرويد
* فى كل الاجهزة لدينا بيكون الجهاز متقسم و احنا مش بنلاقى الجهاز 32 جيجا كاملين لان الهارد الخاص بالجهاز متقسم و لكن الجزء المهم اللى بيظهرلنا هو اللى حجمه 27 جيجا اللى بنشوفه لما نوصل الجهاز بالكمبيوتر على وضع mass storage و هو ده الجزء اللى احنا هنشتغل عليه بحيث اننا هنقلل مساحته ليصبح 25 جيجا و ننشأ بارتيشن جديد مساحته 2 جيجا لتنزيل نظام الاندرويد عليه و هذا التقسيم لن يضر الجهاز نهائيا حتى مع استقبال التحديثات القادمة و ليس به اى مشاكل فى حالة التنفيذ الصحيح
* شىء مهم اخر قبل البدأ فى التقسيم : بما اننا سنقسم هذا الجزء فبالطبع سيتم مسح كل ما عليه اى سيتم مسح ملفاتك الشخصية من صور و اغانى و غيره و لكن هذا غير متعلق بالرسائل او الاسماء لان مخزنة على بارتيشن اخر مش هنقرب ليه
و لذلك يجب نقل جميع هذه الملفات حتى لا تضيع مع اخذ نسخه احتياطية للبرامج تحسبا لأى شىء خطأ فقد تضطر للفلاشر فى حال تفذت بعض الاخطاء رغم ان ده نسبه 1 % على الاكثر و لكن الشىء الاساسى هو ان تنقل جميع ملفاتك الشخصيه لان 100 % هنمسحها لاننا هنفرمت البارتيشن ده و عشان متخسرش اى حاجه نهائيا و متحسش انك عملت اى حاجه من الاساس ممكن تنفذوا اللى انا عملته كالتالى :
وصل الموبايل بالكمبيوتر على وضع mass storage و حدد جميع الفولدرات الموجوده بالجهاز و انسخها لديك على اى هارد خارجى و بعد تنفيذ الطريقة سنوصل الموبايل مرة اخرى على نفس الوضع و نحط الملفات كلها و بكده هتلاقى ان كل حاجة طبيعية جدا و لا كانك عملت اى حاجه
***ندخل فى المهم :-
* عندنا بينزل مع الموبايل مع النظام الاساسى أداة fdisk و دى هى اللى بنستخدمها فى التقسيم و لكن هذه النسخة الجديدة مش عايزينها و هنستخدم نسخه منها بس اقدم و هى افضل من الموجوده عندنا و هنزلها بالطريقة التالية :
لازم ان الجهاز يكون متصل بالنت فى هذه الخطوات لاننا هنزل الرنامج من على النت كالتالى :
* انسخ الاوامر التالية الى التيرمنال لديك :
1-
كود بلغة HTML:
root
2-ثم
apt-get install wget
3-ثم
mkdir -p /home/user/util-linux /home/user/bin
cd /home/user/util-linux
4-ثم
كود بلغة HTML:
wget
http://ftp.de.debian.org/debian/pool....1-1_armel.deb
5-ثم
dpkg-deb -x util-linux_2.13.1.1-1_armel.deb root
6-ثم
cp root/sbin/fdisk /home/user/bin/
7-ثم
cd ..
rm -rf util-linux
و بكده احنا بقى عندنا النسخه القديمة من fdisk utility اللى هنقسم بها الجهاز
* بعد كده ندخل فى مرحلة التقسيم :
احنا جهازنا بيكون قارى البارتيشن اللى مساحته 27 جيجا باسم MyDocs و طبعا طالما ان الجهاز بيستعمله مينفعش اننا نقسم فاول حاجة نعمله unmounting يعنى نخلى الجهاز مش يستخدمه و ده هيكون بالامر التالى طبعا و لازم تكون روت بالأمر root اولا
كود بلغة HTML:
umount /home/user/MyDocs
- بعد كده ندخل الامر التالى و ده هيوضحلنا التقسيمة الكاملة للذاكرة الداخلية كلها :
/home/user/bin/fdisk /dev/mmcblk0
بعد الامر السابق لو عايزين نشوف الجدول الكامل للتقسيمه نضغط حرف
p
ثم نضغط انتر ليظهرلنا الجدول اللى به التقسيمة اللى بييجى عليها جهازنا
بعد كده نركز جدا فى اللى هنفذه بعد كده :
هتلاقى مكتوبلك فى التيرمنال فى اخر سطر بعد الامر السابق :
(command (m for help
و بعده فاضى و هو ده اللى هنكتب به الاوامر بتاعة التقسيم و نلاحظ ان بعد كده كل اللى هندخل عبارة عن حرف حرف
اولا : نكتب حرف d و نضغط انتر
ثانيا : نكنب رقم 1 و نضغط انتر عشان نمسح البراتيشن رقم 1
بعد كده عايزين نعمل بارتيشن جديد هنلاقى نفس الجملة السابقة موجوده نكتب جنبها الاتى
اولا : نكتب حرف n و نضغط انتر
ثانيا : هنلاقى سطر فاضى خالص نكتب فيه حرف p و نضغط انتر
ثالثا : نكتب رقم 1 و نضغط انتر
رابعا : نكتب رقم 2 و نضغط انتر
خامسا : نكتب رقم 824864 و نضغط انتر و ياريت ناخد بالنا جدا و احنا بنكتب الارقام لان اى غلطة هتكون فى الجون مفيهاش هزار بعد خطوتين بالضبط
بعد كده عايزين نعمل البارتيشن الخاص بالاندرويد ندخل الحروف التالية
أولا : نكتب حرف n و نضغط انتر
ثانيا نكتب حرف e و نضغط انتر
ثالثا : نكتب رقم 4 و نضغط انتر
رابعا : نكتب رقم 824865 و نضغط انتر
خامسا : نكتب رقم 884865 و نضغط انتر
سادسا : نكتب حرف n و نضغط انتر
سابعا : هيجيلنا سطر فيه شوية كلام نضغط انتر تانى
بعد ان يظهرلنا سطر جديد به كلمة command (m for help
نكتب الاتى :
أولا : نكتب حرف t و نضغط انتر
ثانيا : نكتب رقم 1 و نضغط انتر
ثالثا : نكتب رقم 76 و نضغط انتر
رابعا : نكتب حرف t و نضغط انتر
خامسا : نكتب رقم 5 و نضغط انتر
سادسا : نكتب رقم 76 و نضغط انتر
بعد كده نكتب حرف p و نضغط انتر هيطلعلنا الجدول الاتى بالتقسيمة الجديد
Device Boot Start End Blocks Id
dev/mmcblk0p1 2 824864 26395616 76
dev/mmcblk0p2 884866 950401 2097152 83
dev/mmcblk0p3 950402 974977 786432 82
dev/mmcblk0p4 824865 884865 1920032 5
dev/mmcblk0p5 824865 884865 1920032 76
لو الجدول عندك زى اللى فوق بالضبط يبقى انت ماشى تمام و خد بالك احنا لسه لغاية دلوقتى مفيش حاجة اتثبتت يعنى ممكن تقفل التيرمنال بكل بساطة و مفيش حاجة هتتغير
أما لو عايز تكمل فاتبع الاتى:
اضغط حرف w و اضغط انتر
بكده الجدول الجديد اتنفذ بس الموبايل مش هيقدر يقرأ الجدول الجديد الا بعد عمل ريستارت
لذلك اعمل ريستارت فورا و نكمل بقية الشرح ................
بعد عمل الريستارت الجهاز هيفتح طبيعى جدا بس احتمال برنامج من اللى انت منزلهم ميشغلش لكن المهم ان البرامج الاساسية اللى يحتاجها النظام هتشتغل و ده اللى احنا عايزينه
عشان نكمل التقسيم باستخدام الجدول الجديد
احنا كده الجهاز عندنا هيحاول يعمل فولدر جديد باسم MyDocs لان القديم اتمسح لما فرمتنا الجهاز بس طبعا ده احنا مش عايزينه دلوقتى فلازم نمسحه و ده هيكون بالامر التالى :
root
ثم
rm -rf /home/user/MyDocs
بكده احنا مسحنا الفولدر اللى جهاز عمله اوتوماتيك عشان نكمل بقية التقسيم :
بعد كده ندخل الامر التالى :
/home/user/bin/fdisk /dev/mmcblk0
ثم نكتب الحروف كالتالى :
اولا : نكتب حرف t ثم نضغط انتر
ثانيا : نكتب رقم 1 ثم نضغط انتر
ثالثا : نكتب 0c ثم نضغط انتر خد بال الامر ده عبارة عن رقم صفر ثم حرف c جنب بعض عشان لو مش واضحة لحد
رابعا : نكتب حرف t ثم نضغط انتر
خامسا : نكتب رقم 5 ثم نضغط انتر
سادسا نكتب رقم 83 ثم نضغط انتر
سابعا : نكتب حرف w ثم نضغط انتر
للتوضيح بأهمية الاوامر السابقة : الاوامر السابقة عشان نحدد نوع كل بارتيشن يعنى مثلا البارتيشن الاول هنخليه fat عشان لما نوصل الموبايل بالكمبيوتر يقراه و البارتيشن الخامس هنخليه للأندرويد و عشان كده هنفرمته على هيئة ext3 عشان متظهرش و دى الفرمته الخاصة بنظام لينكس عشان الاندرويد
بعد كده اقفل التيرمنال و افتحه و دخل الاوامر الاتيه عشان ننفذ امر الفرمته الاخير لكل بارتيشن
root
ثم
mkfs.vfat -F 32 /dev/mmcblk0p1
ثم ننتظر لغاية ميبدألنا سطر جديد فى اوله كلمة n900 # ثم ندخل الامر التالى :
mke2fs -j -m0 -L NITDroid /dev/mmcblk0p5
بكده احنا انتهينا من كل حاجة الحمد لله و رجعنا MyDocs مرة تانية و عشان تظهر نعمل ريستارت للمرة الاخيرة و نفتح مدير الملفات هنلاقيها موجودة زى ما كانت مفيش اى اختلاف الا انها اصبحت اقل حجما فقط حوالى 25 جيجا
بعد كده نوصل الموبايل على وضع mass storage و نرجع ملفاتنا كلها زى ما هى تانى لنفس المكان و بكده يرجع الموبايل زى ما كان تماما دون اى اختلاف
* ملحوظة : بعد ارجاع الملفات متقلقش لما تفتح الصور او الاغانى و تلاقيها فاضية استنى شويه لغاية ما الجهاز يبدا يرجع كل حاجه لاصلها و ده طبعا بيأخد فتره شويه يعنى اشتغل على الجهاز عادى و هو هيرجعهم بدون اى تدخل منك