[المنخرش]

آسف إذا أخطيت ياهيمووو
تسلم لي ياغالي وآسف إذا أخطيت عليك

لكن

اقتباس وصدقني لو إعتاد الناس على هذا القرار ستختفي كل العوائق

مهب مشكلتنا بالعادة او يتعود
المشكلة وينهم عشان يتعودون ؟

أنا كنت أودي قريباتي من محارمي مالهن أحد وعيالهن مطنشينهن
طيب أنا أببتل لهن ؟

والان يروحن لحالهن
لأنهن لو توقفن على (حلك) كان ماطلعن للسوق إلى ساعتك هذه)
بالله كيف تتوقع حل للمشكلة ؟

هذا بالنسبة للحريم الكبار هذولا عيالهن

لكن مابالك أيضاً بالبنات ؟ الي متزوجات او غير متزوجات
أخوانهن مثل ماقلت

صايعين ضايعين ..؟ مالحل ؟
بعض الزوجات أزواجهن مافيه أمل يوديها
يعلقها بأهلها والعكس ..

أيضاً أهلها يقولون ان عندها زوجها مالنا علاقة
صارت معلقه الحين ؟

أيضاً مالحل ؟


أحنا لو لقينا من يوديهن عاد نقول (يتعودون مع الوقت) لكن خلهم يبدون عشان يتعودون؟

اقتباس فالحاجات الأساسية متواجدة في كل مكان وليس في المنتجعات الكبيرة فقط ، فكلها مكملات لا أقل ولا أكثر

بالنسبة لي لا أتكلم عن المنتجعات
اتكلم بصراحة عن السوق الداخلي وقبة رشيد والعثيم والنخيل

هذا ما أقصد بالضبط

اقتباس بإضافة كم تمثل نسبة النساء اللواتي لايجدن محرم ، فالمصلحة العامة مقدمة على الحالات الشاذة !

أنت كم تتوقع ؟

اللي أشوف أنهن واااااجد يتعدن النصيفة تقريباً

اقتباس فمن لم تجد إخاً أو أباً ستجد خالاً أو عماً

حبيبي ذاك زمان أول ..
والله العظيم تعال شف الحين كلن بلش بروحه

من خامس المستحيلات أني أتخيل خالي يودي أمي للسوق او أختي (مثلاً لو كنت غيرموجود)
أو حتى أحد عمومتي مع أنهم كثارين ماشاءا لله .. لكن استحاله .. ليس المسأله تفرقه
لكن (كل واحد بلش باللي عنده)

شي نعيشه ياغالي
لما كنت صغير توي ماسك السيارة .. الكل محارمي تجرني مع جهه (الكل محتاج محرم)
طيب أنا كبرة وكثرة ألتزاماتي .. ماهو الحل ؟

خلنا نفرض مثلاً واحد بالمية من النساء لايجدن محرم
مالعمل ؟

أبي فقط تعطيني حل ؟
مالعمل ؟