[رحيل ,,]

السلام عليكم ورحمة الله وبركاته ..

شخباركم مع هالبرد يابنات

طبق مكرونة لذيذ خبصي من راسك ومخمخي ويطلع لك شي حلو

بسم الله ..

نجيب مقلاة ونقطع بصل وشوي فلفل رومي

بعدين نحط نص أصبع زبدة ونكشنه على النار ..

بعد مايصير نص أستوى نجيب جزر ونبشرهـ ونقطعه مثل هيك

بعدين نحطه فوق الكشنة ..

بعد مايصير الجزر نص أستوى >> السالفة نص أستوى

نجيب شاورما الوطنية .. قيمته على ماأعتقد بـ 18 ريل ..

ونحط نصف المقدار على الكشنة .. أو على حسب كمية المكرونة اللي راح تسوين ..

ونحركه لين تتفكك الشاورما .. طبعا ماتحطين بهارات لأن الشاورما جاهزة من كل شي .. إلا الملح زودي شوي لأنه خانسة ..

مع التحريك تتركينه ربع ساعة .. أو ثلث >> تراي ماأحسب متى ماحسيت إن الشي أستوى سكرت عنه النار

آخر شي يصير كذا ..

طبعا والكشنة على النار .. تجيبين المكرونة وتسلقينه بماء وملح وشوي زيت وماجي ..

بعد ماتستوي المكرونة ترفعينه من النار وتشخلينه ..

بعدين تكونين مقطعة فلفل رومي أحمر وأخضر .. وإن حصل أصفر مايمنع .. وتحطين ذرة .. وزيتون أسود شرائح .. وتاركتهن على جنب ..

تجيبين مايونيز وجبن وطحينة سايلة ..

وتخلطينهن .. أنا ماقدّرت اللي حطيت أحط على عماي لين تصير ثقيلة شوي ..

بعدين نجيب حلة قرصان كبيرة شوي ..

ونحط المكرونة وفوقه الخلطة مع صلصة الصويا بالمقدار اللي تبين ...

ونحركه لين تتجانس مع بعض ..

نجيب كشنة الشاورما مع الفلفل الرومي والذرة والزيتون ونحطهن فوق المكرونة ..

ونحركه لين تتجانس مع بعض ..

ونغطي الحلة بالغطا وأولع عليه النار وأتركه على نار هادية مع التقليب المستمر ..

وبعد ماحسبت كم تركته على النار .. أسهج الطبخة لين أحس إنه مستويه يعني عادي أتركه نص ساعة ..

وهذا آخر شي ..

كنت أبحط بطاطس وباذنجان مقلي مع المكرونة بس زحمن الوقت .. وإلا كان تطلع أطعم ..

وبالعافية على قلوبكم

والسلااام ...

../