[رعشة خفووق]

بما أن موضوعك للفضفضه خلينا نفضفض معك

أنت تعاني من حب التواصل مع الناس وأنا أعاني من الجمود

علاقتي بالناس طيبه بس ما نيب أتواصل معهم , يعني ماعندي مشكله انقطع عن العالم أشهر , أدري أنهم بخير وما

فيهم الا العافيه هذا اللي يهمني , لآتفهم من كلامي أني منعزله ولا أبي أحد لآ بالعكس أفرح وأتواصل مع اللي يكلمني

بس هالشي مايصدر مني ,,

هذا أثر على اللي حولي بحيث انهم فهمو أني ما أبيهم أو ما أرتحت لهم أو أني أتهرب منهم ونا والله ماهوب ذا قصدي

بس هالطبع اللي فيني اللي مادري شيبي , عالعموم لو هو طبع سلبي فانا ما حاولت أعدله ولآ عندي استعداد أضغط

على روحي لان هالخصله مولوده معي وبأتعب لو أضغط على نفسي وزود أنا مرتاحه هيك

مع أني تعبت من التشره بس شو عليه نتحمل..

أنا أنقطع أشهر وان أجبرتني الظروف سنين بس ما أنسى والمعزه ما تتغير ,

واذا اجتمعت بالشخص أفلّه ولا كأني غبت كل هالفتره

فيه وحده بس قدرت تطلع من القاعده ذي يمكن لانه نفس طبعي بالضبط وأنا ما أجازف أفرط فيها

اذا بدت المدارس والجامعات ما عندنا مشكله واذا جت العطله نتواصل تقريبا كل أسبوعين أوشهر على حسب ..

فيمكن اللي حولك يحملون نفس طبعي يعني مب ضروري اذا كان لك معزه عندي أتواصل معك على طول .

أتمنالك التوفيق .