|
الفكره ممتازه جدا
بس لو اذا شاشه بتكون مكلفه خاصة اذا كانت على مداخل القصيم والقصيم لها اكثر من مدخل
يمكن تكون لوحه بس ايضا اكيد بتكون احدى اللوحات بتفقد الوانها خاصه اللي بتكون عليها اشعة الشمس بكثره
وان رفعت اللوحه بتشوفون فلشرات السيارات على السريع الكل رافع راسه وقاعد يدور الطرق المنفذه
واذا كانت على مستوى منخفض والله ما تسلم من كتابات وشعارات ابو فلان وابو علان ...هههههه
من ناحية مضمار عسانا نتمشى عند العثيم والبلديه
والمنتزه ماضن احد يبي يقعد من ربعنا وهو شايف انوار الديره
لان اللي نشوف من يوم ما نتعدى ام سدره متجهين للقصيم الكل يبي يصفي موتره من الكربون
مساقط وما تسمع الا حنة المكاين وتلقيم النمر
ممكن يكون ثييل واتوقع يستفيد منها اللي مو من الديره يعني اللي يبي يكمل دربه او راعين التريلات
ارجع واقول الفكره ممتازه بس لو يبدى اول شي المستشفيات والاسعافات ومراكز الشرطه والمرور
ومن بعدها نأتي كما تفضلتي بالفنادق والمطاعم والمولات والدوائر الحكوميه
الفكره ممتازه بس لمين ترفع وكيف بتتطبق
ارجو ان تكون مشاركتي خفيفه على قلوبكم واعذروني على الاطاله
ملاحظه / مشاركتي ليست للاحباط بل للتعديل او التنويه ... ايضا ينقصني الكثير من المعلومات يمكن استفيد من الفكره هذي وتستفيدون من اقتراحي
|