[القلب الوردي]

كريستال2 & بنت أبو خالد

فيه أمور كثيرة لازم تنتبهين لها إذا بتسوين الكيك :
- أول شيء الجو يأثر يعني إذا صار برد لازم تفتحين الفرن قبل بفترة كبيرة يعني حول النص ساعة عشان يصير الفرن ساخن مرة وبنفس الوقت لاتصير النار عالية مرة عشان ماتتحمر الأطراف ومن جوى عجين .
- مستوى الصينية لازم يكون مناسب يعني لا ترفعينه مرة ولا تنزلينه مرة خليه بالوسط .
- إذا بتتأكدين من نضج الكيكة دخلي عود أسنان ولازم يطلع نظيييف مافيه ولا نتفة لاصقة حتى لو شفتِ الأطراف تحمرت إصبري .
- قبل هذي الأشياء كلها تأكدي من عجينتك وإن المكونات مقدارها صحيح لأن لو زادت كمية البيكنج باودر راح تتضرر الكيكة ونفس الشيء السائل ( الحليب أو العصير ) لازم يكون مقداره مناسب لكمية الدقيق .
- قريت مرة عن طريقة بس مابعد جربتها ( ترشين سطح الكيكة بعد ماتستوي وقبل ماتحمرينها من فوق بالسكر البودرة حتى تحافظ على إرتفاعها ويعطيها لمعة ونكهة مميزة )

وموفقين