[انسان من بني آدم]

اقتباس المشاركة الأساسية كتبها مرادي الذكريات من ناحيتي اتمنى القى شاب قريب يأخذ فلوس ويوصلني..لان كل اللي حولي داجين بس يعتبرون هالحركة اهانه..ولهذا استحي اطلب منهم رغم ان طلبي ممكن يكون بالسنه مرتين او ثلاث رغم انهم يفرحون بس خلاص صعبة امشور ناس موب مسئولين عني..حتى الهدية يرفضونها..لهذا لو لك قريبة مشاويرها موب كثيرة واضطرارية فخذ الفلوس تاخذ اجرها... وبالمقابل اعرف وحدة متزوجة تعطي اخوها فلوس يوديها ويجيبها بس اعوذبالله مافيه احد مادرى لدرجة تكلمه بهواش ومنه ولوطلبت منه غرض قالت بالجوال وحنا نسمع والباقي عشانك...والله فشيلة وهو من الدجة موافق وصار نذل مايودي الا بفلوس حتى خواته الداجات مثله..ومثل هذه الاخت والله الدجة ازين من المذلة لذلك انصح باخذ الفلوس لو كنت فعلا محتاج الا من وحدة بكرا تحطها سالفة وترا الموضوع عادي لاتصيرون حساسين

ايه بس موهب علطول اباخذهن
يعني لازم به لا وشوله معي ومن الكلام
شاكر لك تعقيبك

اقتباس المشاركة الأساسية كتبها المنعنع تسلم حبيبنا / انسان من بني آدم أنا مؤيد وبقوة بأن تأخذ من خالتك أو عمتك بعض القريشاااات وخاصة إذا كنت طالب أوعاطل .. أما إذا كنت موظف أو تعمل فهنا يكون الاحراج وخاصة إذا كانت الوظيفة اسمها أكبر من حجمها ففي هذه الحالة يلزمك أن تتغلى مايحتاج كثر خيرك المرة الثانية ولا تقول لا ما أبي لأن ( بعض ) الحريم ماتعطى وجه وخاصة بالمشاوير ولو ماكان هناك دهنت سير ماصار هناك إستجابه بالمرة الثالثة والرابعة وما بعدها خاصة لمن هم طلاب أوعاطلين(يبدأون بالإعتذارات الكاذبة) والأهم :أن تعرف القدرة المالية لصاحبت المشوار فإذا كانت ميسورة الحال لاتدقق إن لزمت أو إحتسب الاجر من الله دمتم بخير .

يعطيك الف عافيه
شاكر لك تعقيبك

اقتباس المشاركة الأساسية كتبها مدير دبرة تعتمد على حاجتك انت.. واذا أخذتهن.. فالله يعينك على اللي جاي جوالك لن يقف .. وستنهمر عليك الطلبات فإن أخذتها من باب استفيد وافيد... فهي كذلك وهي أكيد ستعشر أنها قدمت لك مايوازي خدمتك لها.. وهذا لاشيء فيه بس انت لاتوافق على طووولِ... قل ماله داعيِ.. وووشووووله..؟؟ أنا أخدمك بعيوني... وبالاخير خذهن... وكنك ماودك

لابالعكس انا ان اخذتهن او ماخذتهن قريباتي ميهب يبلشنن
شاكر لك تعقيبك

اقتباس المشاركة الأساسية كتبها مانشستراوي ياااااكثره ذي تحصل لي بس استانس منب مثلك يضيق صدري صدز احراج وفشيلة بس الدعوه به قروشن تسثيييره انا مثلك بعض الاحيان يتصلن حدا خالاتي ولا عماتي (الله يعدي عنك ياوليدي ودن لم السوق الداخلي)وخرابيط الكبار ثمن لاوصلت السوق وجت تنزل تمد فلوس اجي اقوله(ابد ياعميمتي انتي عمتي اوديتس من حبيلتس وغلاتس موب عشان قروش ولا شيئ...حلفت مااخذهن<<لاحظ اني بس اقول حلفت مااحلف صدز هع)همن تقول اقول خذهن ولا يكثر<<هذا اللي يونسن عليه انه تغصبن وماتعطين فرصه ارده واحاول به لكن تعيي بس بيني وبينك والله ياهي وناااسه عمتي ذي دفااااعه لامدت قروش مدت قروشن تسثيييره هع<<بنت الذين مدرهمه هع بس من تالي ذابحتهن عزة النفس من زمااان مادقن ولا قالن ودن وجبن شكرا وموضوعك خيالي

هذي عمتك الدفاعه ودك تدق علي انت تقوله ماتبين مشوار شي هههههه

ياخي موهب يضيق صدري انا بس قصدي انه احراج خصوصا باللحظه ذيك
ولا بالعكس لاصرت داج اكيف

الا بسالك اذا حلفت (عمتك) وانت حلفت وش يصير؟؟؟