[يوسف السراي]

يا رب حقق احلامنا, آمين يا رب العالمين.
مشكور ع المقطع الرائع, بـ روعة اختياراتك.
قصيدة لا يكتبها إلا شاعر متمكن جدا, حي الله فاله.


ياحلم قلي وش يضر لو تحققت؟
متى الفرج؟ ياحلم يعانق خيالي

جيتك طموحن بالمعاني ترققت
ليت البشاير ماتعاند وصالي

من كبر ماشوفك تعبت وتشققت
مابين ليلي مع نهاري وحالي

ماكنت اشوف النور وشفتك ودققت
لقيتك انت النور والنور تالي

دقيت بابك لين حتى تدققت
دق الظروف ارحم من افراق غالي

ياحلمي الساطع مدامك تلققت
وشلون من دونك تطيب اليالي

فالي بقربك صابرن ماتنققت
ماخابت اضنوني علي وانت فالي

يااعز حلمً لي متى ماتحققت
اعرف ترى سلوم بخطاك عالي

يالله يارب السماء ياللي احققت
تحقق امرادي ويرتاح بالي

الشاعر:حمد العوهلي

لك تحياتي