[ولدالديره]

اقتباس المشاركة الأساسية كتبها إبراهــــــيم ههههههههه طيب ابيك تراجع ما تراه عينك في الاسواق والمنتزهات والمهرجانات هل ما تره يدل على رجال يخافون على اعراضهم وبناتهم ؟ قد يخافون على اعراضهم لكنهم مهملين الي يترك بناتة مع سواق وتروح وتطلع من البيت متى ما بغت هذا يخاف على اعراض بناتة واهله ولا وش رايك ؟

ماعليش عقب كبسه رز بخاري اخذتلي نومه <<< تعرف الكبر شين
اخوي لانشك ابدا أن هناك اهمال ولكن انا اخذت جزئيه من كلامك
الي هي ليه يتزوج وينجب !!!
تعرف الشيخ السعدي الله يرحمه وش قال يوم قالوله ياشيخ ولدك افسد شباب عنيزه
ريحنا منه قال الله يهديه حاولت معاه لكن الله يهديه هذا دعائي له
شفت كيف من يكون الشيخ عبدالرحمن السعدي معلم الشيخ بن عثيمين صاحب النظره الفلسفيه الحاذقه بالفقه والفهم الصحيح للقرآن !!!
لانستطيع ان نسيطر على مايحصل لاولادنا
ابقولك شي انا انفصلت عن زوجتي الاولي ولي منها ولدين رفضت ان يكونو معي
الكبير عمره 13سنه شريت له جهاز جوال عادي عشان يصير بيني وبينه اتصال وقت اللزوم
قال يايبه الله يهديك هذا الجوال تعطيه السواق انا معاي بلاك بيري اخر طراز!!!
شفت كيف !!!
ولو عندي بنت نفس الحكايه لو كانت بظرف ولدي
والدنيا اصلا كلها مشاكل وقصص وخلافات اجتماعيه وتفرق والدين عن بعضهما ومايحصل من هذا الافتراق من تحول سلوكي للابناء وعدم قدر احد الابوين السيطره على ابنائهم

اخوي ابراهيم اذا كنت تشوف عائله مستقره الاب مدرس تجويد وقرآن يرجع لعياله قبل صلاه الظهر ويضربها كبسه حاشي مع لبينه وبعد نومه للعصر وبعدها يصير متفرغ لعياله فتأكد انه يوجد مقابله عشره اباء يعانون 16ساعه يوميا لتوفير حياه مستقره لابنائهم والهدايه تأكد من الله سبحانه
فلا تظلم نفسك وتقول ليه يتزوجون وينجبون

يعني مايتزوج الا مدرس الابتدائي الي يضربها كبسه حاشي