[ما تَهَاب]

يا ضايق الصدر بالله وسع الخاطر
دنياك يازين ما تستاهـل الضيقـة

الله على ما يفـرج كربتـك قـادر
والله له الحكم في دبـرة مخاليقـه

حلو العيون استهانت دمعها الحادر
كف العباير حزين الدمع ما طيقـه

حسايف الحزن يغشى وجهك الطاهر
والورد في وجنتك حـرام تغريقـه

يفداك قلب على ما تشتهي حاضـر
يفدااااك باللي بقى لي مـن معاليقـه

ما فات خله ولا تهتـم مـن باكـر
وأغنم من اليوم ما ساقت توافيقـه