[بنت الشرقيه بدم بريده]

اخوي {أليس الله بكاف عبده}


الاخ ابو يزيد علق على تعليقي من غير حتى مايشوف مكان الاقامه الي انا كاتبتها

وليه اكذب على طول حطني كذابه والي كاتبته كذب ولا قايله كلام فاضي ومن عندي ولا لايكون الاخ ابو يزيد يعرفني وانا مدري على اساس يعرف اني صادقه"الكلام الي اقوله صح وصدق" ولا اكذب بكلامي
بعدين ماخاف تحكم وتظن بشي مو صح ولا تظلم احد ولا تحط بذمتك شي مو متاكد منه ولا تعرفه وتعرف انا قاعده اقول كلام صح او لا
انا اساسا من سكان الرياض وما اجي للقصيم الا بالسنه مره او مثل ماقولون بالعمر مره لاني مو ساكنه بـ بريده ولا بالقصيم بكبرها
اما الاسواق اذا كنا مسافرين للقصيم"موجودين بالقصيم" ما ادخلها ولا اروح لها اساسا الا قليل ومو كل مره نروح لها اروح لـ اسواقها

وبعدين الي باسواق العثيم والنخيل واي مجمع ثاني عندكم اكيد فيها بعض المحلات يكون اللبس قصير
وانا ذكرت انه الوحده تفصيل بس يكون للتنوره بحكم انهم الاغلب يجيبون تناتير قصيره ونادرا ماتلقى بالمحل تي شيرت او قميص"بلوزه" تكون عاريه ويجيبون اما نصف او ربع كم او كم طويل وخاصه القميص
اما لبس المناسبات الكبيره والزواجات الاغلب والوحده ماتلقى الا 2 او 3"كم"لبسه طويل او حتى ساتر


اما التجار يجبونها بحكم انها مستورده من برى اما الحكومه والدوله تقدر تمنع دخول البضاعه واللبس القصير والعاري وما يدخلون الا اللبس المحتشم والطويل والي يمثل ويتقبله والي امر فيه وحلله الدين والي قاله وامر فيه الله سبحانه والنبي محمد صلى الله عليه وسلم

لانها لو منعت دخول اللبس القصير بالسعوديه وخاصه الحدود"الجمارك" اذا كان بر والمطار اذا كان جو وسوت رقابه بالاسواق كان محد تجرى وجاب لبس مايمثل الدين والاسلام وجابوا بداله لبس يمثل الدين والاسلام والي امر به الله سبحانه والرسول صلى الله عليه وسلم

والتجار لو بيقولون هذا رزقنا بيقولون الي يمثلون الدوله والي كلمتهم اهي الي تتنفذ يقولون لهم جيبوا شي
امر وحلاله الاسلام والدين



وانا من يوم يومي الحمد لله ماقد لبست شي قصير لا نصف الساق ولا ربع الساق

على اساس كذا قلت التفصيل يكون التنوره والتي شيرت والقميص"البلوزه" يكون جاهز وصعبه وتعب كل لبس بتفصله الوحده وكل مره بتلبس شي لازم تفصله ولبس المناسبات الكبيره والزواجات يكون تفصيل وخاصه الزواجات لانه اللبس يكون عاري وقصير وبكذا بيكون الامر بيدها

والاهل وخاصه الام والابو واذا كانت تسمع من خواتها او وحده من خواتها تقولها وتكلمها باسلوب وبهدوء وبلحالهم يكونون اهي والي تكلمها لاني اشوف هذي الطريقه الي تجيب نتيجه احسن من الي تكون جالسه عند ناس وبسلوب الهواش والكلام التجريح وخاصه الي تكلم وتنصح بالصريح"تقول لها بصراحه" انتي لبسك وانت وانت وانت بكذا بتعاند وماراح تتقبل