[عبدالله الرقيعي]

بسم الله الرحمن الرحيم
اخي الكريم ازال الله عنك الهم
وكل هالدنيا مصايب لاتتوقع انه بس انت
الشيئ الثاني الحمدلله عندك بيت وهذا اهم شيئ
تقدر تئجر البيت وتستاجر بيت ثاني عشان ماتتذكر امك واهلك
وبالنسبة لعمومتك وخالاتك
مهب ضارك يارجال تراهم احسن من غيرهم
وتاكد لو مايحبونك ماهاشوك لاتنام عند احد
انت توك صغير بالعمر وبالعكس من يحصله اهله يخافون عليه
لو انك رخيص قالو بكيفه بالطقاق
وانتبه انتبه انتبه من انك تشبك مع شباب باستراحة
ترا هالاستراحات وانا اخوك ماوراه الا البلاوي
مهما كانت الاستراحة ترا واحد يخررب كل الشلة
دايم تلقا خمسة شباب اخذين استراحة علمك بهم مهنا حليلهم
همن يدخل بهم نززغة ويحوسهم كلهم
اشهر قليلة ويطيحون بالدخان وكل بلااا
اترك عنك شقة واستراحة
ياخي ادخل بحلقة ولا بمجموعة والله ان تستانس
مثلا العصر بالحلقة
والمغرب عند جدك
والعشاء دور ناس ملتزمين العب معهم كورة
هذاه خلص اليوم وانت مادريت
واذا خلصت الثانوي خذ لك بنت حلال واستقر

والحين الله الله بالدراسة حط حيلك بالدراسة
وانا بالنسبه لي مستعد اساعدك باللي اقدر عليه
ارسلي بالخاص والي اقدر ابسويه لك