[LamoOo]

اقتباس المشاركة الأساسية كتبها برفسور ملتمس ازعجونا شيبان أول صراحة ( حنا احلى ناس ، وكانت عيشتنا مدري ايش ، والجار مع جاره ، ولامنه جاء العيد اجتمعنا ) .. صراحة مو عشان كبارين يجلسون يلعبون علينا ..!! طيب مو هذا هو نفسه الصبح ، تشرق الشمس والمغرب تغيب والعصر موجود والليل ماتغير ..!! قال ايش .. قال زمنكم ..!! معليش الي يشوف الكبارين في سوالفهم يقول من عهد ( هتـــــــــلر ) ، والسعودية اصلا مالها ( مية سنة ) مو عشان تقدمنا وتطورنا اقتصادياً ، يفلونها ويقلقوننا ، ويسفلون في زمنا وكأننا ( أغراب ) ،..!! ديننا واحد ولله الحمـد لم يتغير منذ أن وجدنا بالعكس كان في زمنهم ( الجهـل ) وأصبح في زمنا ( الثقافة والعلم والفكر ) << الحين يقولون علماني هههههه ومسألة الجيران ياخوي يبي يروح يسلم على جيرانه ( ماحد منعه ) ، مو يجلسون بعض الشيبان لاشغل ولامشغلة وتقرب له دلة القهوة والقدوع ويجلس يفضفض ( وزمنا كان فيه وزمنكم كان فيه ) وهم بزمنهم الوظايف قدامهم وتحصل واحد مامعه الا رابع ابتدائي ، ويجلس يهايطون .. كنا ومدري ايش ..!!