السلام عليكم ورحمة الله وبركاته أولا أعتذر على التأخر بإنزال الموضوع و ذلك لظروف خارجة عن إرادتي متمنية منكم قبول عذري < ناقشة من العذر اللي كتبه ابوي المهم هذا موضوعي البسيط فيه مجموعة من الحلويات أتمنى تعجبكم و إن ما اعجبتكم الشكوى لله و إن شاءالله نرضيكم المرات الجاية يالله نبدأ بسم الله (1) [ كيكة النوتيلا ] المقادير : حليب عادي او حليب بالكاكاو .. نوتيلا .. 3 علب قشطة .. 2 ظرف دريم ويب .. كيك جاهز اللي بقصدير " باوند كيك " .. هيرشي للتزين .. الطريقة : الطبقة الأولى / نجهز القالب المتحرك اللي نسوي فيه التشيز كيك , ونبتدي نقطع الكيك شرايح اقرب لشكل السمكة على حسب الارتفاع اللي تحبينه بعدين نرصه بالصينية ونشربه بشوي حليب .. الطبقة الثانية / نخلط القشطة والنوتيلا مع بعض لين ينخلطون وفي زبدية ثانية نخلط الدريم ويب مع نص بيالة موية باردة قوة ونحركها بالخلاط اليدوي لين تغلط "الطريقة المعروفة " بعدين نحطها على خلطة النوتيلا والقشطة ونخلطهم سواااا لين يكونوا مزيج لذيذ , بعدين نصب جزء منه على الكيك اللي بالصينية ونكرر هالعملية من جديد " نرص كيك + نشربه حليب + نصب جزء من الخليط عليه" ونترك على الباقي من خليط النوتيلا على جنب , نغلف الصينية ونحطها بالثلاجة مايقل عن 3 ساعات ونطلعها ونفك الحزام ونغطيه ببقية الخليط اللي تركناه ونزينه بالهيرشي ونحط بالثلاجة شوي .. وصحتين وعافية (2) ميني تشيز كيك + المقادير : بسكوت شاي باي فيلينق بالخلاط / علبة زبادي + ظرف دريم ويب + حبتين جبن كيري + 8 ملاعق ك حليب بودرة + 2 ملعقة سكر ناعم .. الطريقة : نطحن البسكوت ونفركه بزبدة وشو قشطة ونحطه بصينية التشيز طبعا , نخلط باقي المقادير بالخلاط "الكاس" لين يتجانس الخليط بعدين نصبه عليه و نحطه بالفرن من تحت لين يتماسك شوي مو لازم يطول ولو تفتحين الفرن قبل تدخلينه بحيث يكون حار علشان بسرعة يتماسك وبعدها طلعيه وحطيه بالثلاجة لين يبررررد وبعد ماتطلعينه فيه طرق كثيرة لتقطيعه بس انا ماكان متوفر عندي إلا علبة الباكنج باودر فتحتها مع الجهتين وقطعت التشيز مربعات كبار وقصيته مدورات فيها < حاله بس تراه سهل و آخر شي حطي عليه البلو بيري وصحـــة (3) حلى الشوفان + المقادير : 1 كاس شوفان 1 كاس حليب بودرة 1 كاس جوز هند الكل محمصين على النار لحد ماصار لونهم عسلي بعدين نحط عليهم نص كاس سكر ونعجنهم بكاس حليب سايل .. نبدأ نشكلهم على شكل دائري ونضغطه من النص , نتركه بالثلاجة تقريباً ساعة بعدين نطلعه ونحشيه نوتيلا < "نخلطها مع قشطة ملعقة ملعقتين المهم لين تكون سايلة شوي و نقدر نتحكم فيها" , وبس برب