(10) حلى الأوريو .. الطبقة الأولى .. 6 اكياس اوريو مطحون ومفروك بقشطة .. الطبقة الثانية .. بالخلاط .. ثلاث أرباع علبة نستلة + 8 حبات جبن كيري , تصب على البسكوت ثم يدخل للفرن لين يتماسك وفي هالوقت نحط علبة حليب بوني ورف كريمة وفنجال قهوة موية ولين يفور ونصبع على الطبقة الثانية ويوضع في الثلاجة .. ويزين بالهرشي أو بأي شي (11) الفوندو طريقة الشوكولاته , نوتيلا مذوب بالمايكرويف + قشطة + شوي حليب سايل تخلط سوا وبس .. أحلى شي مع الفراولة والكمثرى طعمه شي , مع المارشيملو والكيك امم مايعجبني مره بس يحبونه بالعافية (12) كيك الأكواب علّن هالكريه المقادير : كيك بيتي كروكر تسوينه مثل ماهو موضح بالكرتون بعدين تصبين منه بأكواب الكابتشينو " اللي تدخل الفرن " اممم حطي فوق النصف بشوي وحطي الأكواب بصينية فيه موية ودخليها للفرن لين يخلص بعدين ذوبي جالكسي بحمام مائي مع قشطة وكسري فيه "كسر كبيرة" بسكوت لواكر واخلطيه و بعد ماينتهي الكيك اقطعيه من الوسط وحطي حفرة صغيرة وهو بالكوب وحطي فيها من الجالكسي اللي ذوبتيه و آخر شي حطي عليها دريم ويب "نفس طريقة الدريم ويب بكيكة النوتيلا " وأنا خلطت مع الدريم ويب أوريو مطحون والزينه براحتك زينيه أنا رشيت كاكاو بودرة وهرشي .. هالحلا شكله عجبني وبصراحة اعجب اهلي حيل وهذا أهم شي والباقي من الكيك خليته سعودي بمناسبة الأوامر الملكية من شدة حبي للسعودية شوفوا ثبات الكيكة كيف و بكذا أكون انتهيت , أشكركم على طيب المتابعة وأعتذر على التقصير والسلام عليكم ورحمة الله وبركاته