[ما تَهَاب]

الخوف وماادراك ما الخوف :’(

مشكلتي انا مو من الخوف مشكلتي ان خوفي غبي جدًا يعني في اشياء المفروض اخاف منها عادي , والخرابيط اللي ماتخوف تضيع علومي بسببها !
على هالطاري مره كنا بمخيم وكان فيه أعداد كبيرة من الفيران المهم انها جتني حالة الخوف اللي تعمممي ولا منه جت خلاص تضيق بي الوسيعة , المهم انه جاء وقت النوم والناس تسدحوا وانا ماغير ادور بالخيمة كني طلاقة ماابي اجلس اخاف يطلع لي فار ماني ناقصة , المهم اني دخت وتعبت وقلت بجلس شوي ارتاح وانا جالسة اقلب بالصور ويقبل علي فار يمشي مليوووون ومير اصرخ صرخة جابت الرجال ههههههههههههههه والا اللي بالخيمة هيّن فزفزوا كبارهم وصغارهم يعني ابن ابليس مااقبل الا علي عساه للموت :’( , وعقب هالموقف إذا سولفت وتحرك ظل يديني وقسم بالله اني انز واحيانا اصرخ وامي يابعد قلبي هي حمالة الأسية والبقية لهم الضحك والمسخرة =( < عممى
وفي نفس الوقت اللي فيه هالخوف من الفيران عادي اطلع لدورة المياه وانتم بكرامة والناس نايمين ماعندي مشكلة ابدا .. شفتي كيف الخوف الغبببي, الله يجيرك !


الله يهبطنا باسمه والله الخوف يوجع القلب ويضيع الهيبة