[* سمـ فكري ــا*]

القرف بشكل صحيح في حكاية بريدة وعنيزة والشيوخ والصفافير ماادري الناس اللي تفكر بهذي الطريقة كيف يفكرون والى متى هذا التخلف والهمجيه والتعصب ، كثير من موظفي الجامعة اذا شاف مشروع للمدينة الثانية حاول ينقص من ميزانيته او يوصل للمسؤلين ان المشروع مو مهم واذا فيه منصب مهم يحاولون ان صاحب المنصب يكون من ديرتهم .. ونفس الحال هذي طريقة وتفكير بعض القبليين والصفافير كما يقال ..
انا سمعت انه احدى اهالي المدينيتن دفع مبلغ كبير لأحد اصحاب المحلات التجارية بس علشان يفتح الفرع الاول في مدينته ويكون الفرع الثاني في المدينة الثانية على الرغم ان الفرع الثاني في المدينة الثانية مخلص لكن يريد ان يقال انهم عندهم الفرع الرئيسي وماتنتصر عليهم المدينة الثانية .. وانت لاتمتلك امام ذللك الا ان تقول اللهم لك الحمد على نعمة العقل .
والمشكله مو بس الموظفين حتى ان الامر يوصل للكليات احيانا لأنه وحده من اللي اعرفهم من بريده راحت تدرس بكليه عنيزة جدعت عليه مادري العميدة او وحدة من الموظفات ملفه وجدعت عليها كم كلمة انو وش جايبكم وانتي من بريدة والكلية لبنات عنيزة مهب لكم وكلام من هالقبيل ورفضت تسجله ..
ياعالم بريده هي عنيزة وعنيزة هي بريدة ، وعنيزة وبريدة هم القصيم ، يعني وش المشكلة ..
معظم بنات عنيزة يدرسون ببريدة وهذا حقهم بالتخصص اللي يبونه ومعدلاتهم اجتهدوا فيها ..
واقول لموظفي الجامعة اكبروا اقصد كبروا عقولكم .. ماراح تتطورون ابدا الا اذا تركتم التعصب والواسطات ..