[•°انكسار الأماني°•]

اقتباس المشاركة الأساسية كتبها فيري الحريم لازم يصيرون ناخبات ومرشحات بعد شتبون انتوا؟ شدخل القوامه شكل القوامه في عقلكم ان الرجال يمسك كل الوظايف في البلد والمره الصالحه هي اللي ماتتوظف وتخضع للرجل ولايصير لها اي كلمه في حياتها او في مجتمعها ... الله يخلف على عقولكم انكسار الاماني ردك يبرد القلب

أفا بس أفا ,
هم يقولون أتقي الله ياعزيزتي ,
المرأة لابد تخضع للرجل ,
المرأة في عهد جدي قالوا لها حرام تتعلمين ,
وفي عهدي قالوا حرام تطلعين تصوتين ,
ملاحظة كم المرأة حبوبة وطيوبة !
بس طالعة تصوت
تبي توصل صوت ( أنا هنا يامال العمى )
أي من حقي أصوت حالي حالكم .
كيف لو ترشح نفسها ناخبة ؟؟
يعني وقتها تخرج عن ملة مجتمعنا !!

يقولون أن المرأة لاتكون أنثى إلا بتوفر شروط !
إذا تستحي ، طيب كيف تستحي ؟
لما مايرتفع صوتها فوق صوت الرجل .
وتكون أنثى برضو إذا تصمت ، طيب كيف تصمت ؟
لما يهضم حقها وماتتكلم وفوق هذا تتبسم ويالكرمها لو تضحك .

من هن الأناث في مجتمعنا يافيري ؟! الصم البكم العمي .
روحي ألغي كل هالنعم التي منّ الله بها عليك بحيث يصفوك بالأنوثة .
أو قولي أنا لست أنثاكم

..