The story ذآت صبآح طلعنآ من المحآضرة الأولى وجلسنا نتقهوى مع بقية الشلة .. ولما جاء وقت المحاضرة الثانية قآموا الصبايا كل وحدة بمحاضرة حسب المجموعات .. مع اننا تخصص وآحد ومستوى وآحد لكن نظآم هالمجموعات يخرب علينا كثير الموهيم كنت أنا وريوم بجموعة ونورة ماعندهاش محاضرة وبتجلس لحاله بالطاولة .. جينا حنا رحمنآه وقلنا بنجلس عنده شوي لأن الي عندنا معيدة وحبوبة مرة <-- هذا البلا ذذ نويّر ربع ساعة أو ثلث مش فاكرة ورآحت لبيتهم .. فـ رحت أنا وريوم بنلحق على المحاضرة وخابرينه حبيبة تدخلنا على طول وتجي ذاك اليوم وتكشر عن أنيابه وتعيي تدخلنا منا مناك يامرة ياآنسة ياأخت يامدآم ماعندنا غياب ياحلوة حرمآن تكفين الله يوفقتس ويخليتس أقوى وحدة بالعالم وتصيرينن رئيسة قسمنا عقب شهر همن عميدة عقب شهر و3 أيام رجاااااااااءاً .. ماهناش استجابة ولا قبول صرآحة استغربنآه عليه قوووة وشرهنا <-- لهن وجه ذذ رجعنا أدرآجنا وانكسحنا اهئ اهئ جتكم عاد أختم عشوقه لقطته نوبة ضحك ضحك مب طبيعي وبس أكركر لدرجة ماصار بي حيل وحاطتن كل ثقلي على ريم ومتعنقتطن به أخاف أتدربى مع الدرج .. لأن محاضراتنا كله بالدور الثالث كرررره عآد أومير تبزغ شمس أبياتي الكوميدية السياسية الي هاجتن به فقلت : طُردنا من عند باب حوله أبوابُ ... طُردنا من عند باب العلمِ أوّآهُ لا وبعد وحنا نمشي بحرم الجآمعة قصدي الكلية ذذ قآعدتن ألحّن وبصوت عآلي أنشد خخخخخ ولاهمني أحد من الي حولي ماغير مبققين عيونهم بي لسآن حآلهم يقول الله يخلف على أميمتس ذذ ايه ويطلع البيت الثآني والخبلة ريّوم تردد معي وبعد كل بيت نقول حآآآآآآآآسبهآ يآآآآربي حآآآآآسبهآ يآآآآآربي <-- ودتس تدري خـخ عآد مسطت ذيك المصطة الي ماأوجست وجعه من الضحك والهسترة إلا يوم رجعت للبيت <-- عقوبة ذذ وهنآك كملت باقي الأبيات على أساس بنوريهن استآذة رحآب عشان تضحك وتحط لنا حظور طبعاً ولحّنته و بعد آخر بيت قررت نقول سآآآآآآمحهآ يآآآربي سآآآآآآمحهآ يآآآآربي <-- تسليك ذذ بعد الحين يُسوى لنا مجلس تأديبي ولا شي كله دعاوي وحاسبها ياربي وحاسبها ياربي مايصير ايه عاد ماوريناه القصيدة الخونفشارية ذذ بس ذليناه ونشبنا بحلقه كل ماقالت متى صار كذا ؟؟ .. نقول يوم طردتينا طيب متى هذا أخذتوه ؟.. يوم طردتينا .. كيف نعرف نحل هذا المثال ؟.. اييييييه هذا يوم طردتينا أوجس انه تقول لا عادت عليكن وعلى هالمذلة توبة أطرد أحد ذذ واذا لاحظتوا ان الأبيات تحكي هذة القصة وعذراً اذا ماكانت بالمستوى المطلوب لكن كلنا هينا بنتعلم ذذ .. انتهت الحكاية وتحيّة لريوم وغلاوي .. [الأسماء وهميّة تحسباً لأي هجوم عسكري ذذ]