[سامي بريدة]

تحديث

الثلاثاء 29 / 5 / 1432 هـ

اقتباس المشاركة الأساسية كتبها سامي بريدة السلام عليكم ورحمة الله وبركاته استجابة وتقديرا للأخوة والأخوات أضع بالرد التالي جميع أسماء المحلات التجارية التي أوردتموها بمشاركاتكم اختصار للوقت وجزاكم ألف ألف خير على هذه المشاركات والتفاعل الجميل - 1 - يتبــــــــــــع إن شاء الله

اقتباس المشاركة الأساسية كتبها سامي بريدة - 2 -

اقتباس المشاركة الأساسية كتبها أعتز بعقيدتي مهرجان قوت فيه أشياء غير معقولة ما أدري ليه الأسعار نار يمكن علشان شغل بلدي

اقتباس المشاركة الأساسية كتبها شهلا مطعم هم بيتزا طلبنا منه أمس بيتزا بالجبن كنا نشتريها أول بـ8 ريال الوسط وأمس باعها علينا بـ15ريال !!! يعني زيادة 7 ريال !!!!!!!!!!! بس مدري إذا هالزيادة من زمان أو من جديد !! ياليت أحد يتأكد لنا

اقتباس المشاركة الأساسية كتبها حسبي الله وكفى المحيسني للمواد الغذائية بالصفراء نهاية شارع المشاغل وأنت وجهك شمال يجيك حرف تي تلف يمين تشوف المحل بالخدمة على يمينك هذا سلمكم الله عنده حفايظ من نوع فايني وأنتم بكرامه رقم بلس 4 (10-22) كيلو سعره 21 ريال بينما سعره في بقاله ثانية إسمها بقالة الربيش في نهاية شارع المشاغل وأنت وجهك جنوب يجيك حرف تي تلف يمين تتعدى الجاسر ووالخياط والمغسلة المهم أول لفه يمين من بعد مالفيت مع الأشارة هذي بقالة الربيش عنده الحفايظ هذي نفسها وسعرها 19 ريال . وصدفه قابلت مندوب شركة الحفايظ هذي وسألته كيف هذا يبيغه كذا وهذا يبيعه كذا قال أنا ببيع الكرتون وفيه أربع أكياس ب(70) ريال يعني يطلع الكيس الواحد سعره 17,5 ويبيعه بقالة الربيش بسعر 19 ريال يعني مكسبه (1,5)ريال معقول بينما المحيسنى للمواد الغذائية يبيعه ب(21)ريال يعني مكسبه (3.5)ريال واللي ماصدق يروح يشوف بنفسه هذا أنا وقفت عليهم بنفسي والله على مأقول شهيد

اقتباس المشاركة الأساسية كتبها قلبي غيوور عوافي والله ., زآرآ بيرشكآ برجر كنج ال جي للآدوات الكهربائيّه تمور الصالحيّه سكر الآسره مسيمو دوتي الدو ادمز لاسنزآ اويشي اكسسواريز مانجو برمود كوتن سنتر بوينت صيدلية آطلس دواجن إنتاج جعلهم للفقر ه الحرميّه !

اقتباس المشاركة الأساسية كتبها نايف123 محل مطبق للحربي عند شارع أحد بالصفراء مقابل مصتوصف البركة السعر بي 4 ريال والصحن قليل من المطبق وجميع محلات المطبق تبيعه بي 3 ريال إستغلال بهذا السعر

اقتباس المشاركة الأساسية كتبها محجبه طيب انا بقولكم حليب بنتي اس26عند صيدليه الجفن اللي بالساده ازود بريالين اوثلاثه رغم ان الصيليات تبيعه ب60وهو يبيعه بثلاث وستين ورجلي يقهر شرااااه وهو عارف انه غالي لاننا مالقينا احد فاتح ويقول حق البترجي ان الجفن رافع سعره من راااااسه يحسب الناس يفرطون بالدراهم

اقتباس المشاركة الأساسية كتبها creative زبدة المراعي صارت ب 4 "(

اقتباس المشاركة الأساسية كتبها نازكـ كنت اشتري لي غرض من الصيدليه من شهر اشتريته بـــ10 ريال والبارح اشتريته بـــ14ريال شوف الحرامي كم زاااااد>>>صيدلية اطلس لاتقربونها

اقتباس المشاركة الأساسية كتبها حيلتي صمتي في شي ودي اقوله وانتم احكمو هو غش ولا لا المسابقة الي في النخيل اتحداك تخسر طلع لي من العربية للعود مائة ريال رحت بسسسسسسسسسسسسرعة اخذ عطر لقية المحل زحمة مرره المهم سالت البائع قال كلام غريب غير الي مكتوب في الورقة الي معي قال اشتري بي 300 ريال ونخصم 100 وفي الورقة مكتوب الشراء 100 ريال بدون شروط ايش رائيكم

اقتباس المشاركة الأساسية كتبها قلم الحياة زبدة المراعي ، قيمتها 3 ريالات ، وهي الآن بقيمة 4 ريالات .

اقتباس المشاركة الأساسية كتبها ملكة بلا مملكة قبل كل شي انا ما عندي اي اثبت سوى الاكياس اكياس الصيدلية فقط قبل فترة شريت حليب (بريميم كير )من صيدلة الجفن بالسادة ب26 بينما بصيدلية الوهيبي بدوار الخضيراء 24 راح تقولون الفرق بسيط كم ريال بس مو المفروض يكون السعر موحد

اقتباس المشاركة الأساسية كتبها أعتز بعقيدتي صيدلية عادل بشارع القناة

اقتباس المشاركة الأساسية كتبها جولدن فيش قبل كم شهر اشترت شركة المرعي شركة هادكو الزراعية ( دجاج هادكو ) و كان سعر الدجاج مقاس 1000 كيلو جرام ب 11 ريال وبعد ماشرها الامير غير اسمها الى دجاج اليوم وتم وضع سعر الدجاج ب 15.5 ريال وقبل ايام كان سعر زبدة المراعي ب 3 ريال اليوم سعرها ب 4 ريال والحليب وكذالك منتجات شركة لوزين بعد ماشرها زادت اسعارها وغيره من التجار 0 يعني غير اسم و اعطى الثقه الى اصحاب المشاريع الاخرى لرفع الاسعار دون وجه حق والمفروض على اصحاب الشركات وغيرها اثبات اسباب الزيادة عن طريق جهات حكومية بمتحدث رسمي منها والا الموضوع فيه !!!!!!!!!!!!!!!!!

اقتباس المشاركة الأساسية كتبها البكاء الصامت محامص ومطاحن الفاو عندهم كيلو الهيل 180 واخذته من المنيعي 140 الفرق 40 ريال

اقتباس المشاركة الأساسية كتبها بنت سليمان النجم الرومنسي اللي بجنب الباسم توه فاتح شريت منه فناجيل السيف 28 ريال والعالم تبيعه 22 طبعا ماكنت اعرف السعر الاصلي الا بعد ما اشتريتهن

اقتباس المشاركة الأساسية كتبها صلهام بسم الله بدأت حملة لمقاطعة شركة المراعي لكونها أول شركة ترفع أسعار الدواجن والزبدة ثم تلتها بعض الشركات ... البدائل متوفرة بفضل الله ... فلا تتركوا مجالاً لهذه الشركة بالتمادي ، ولنؤدب كل الشركات المماثلة بهذه الشركة ! إن نجاح هذه الحملة مؤكد إذا تم نشرها بأوسع نطاق ، والسبب إن أهم منتجاتها لها تاريخ صلاحية يقارب الأسبوع ، ومجرد مقاطعة جادة لمدة بضعة أشهر يجعلها تهتز مالياً ! لم ولن يتلفت لنا أحد لا حماية مستهلك ولا وزارة تجارة ، لنأخذ حقنا بأيدينا بالمقاطعة ولنؤدب كل الشركات المماثلة وغير المماثلة بمقاطعة المراعي ليخافنا كل تاجر جشع ! راعــي البقالـة ضيق اليـوم صدري ......................................كل البضاعة مرتفع سعرها نار هل الحكـــومة والـــوزارت تــــدري ......................................ان الاوامــر مامشت فوق تجار ابشـــرك للمشكـلـة حـــل جــــذري ......................................يــدي بيـدكم ياطويلين الاشبار نضرب زعيم الفاجرة ضرب جثري ......................................حتى يحسب حسابنا كـل فجار قـل للمـــراعي ردنا جــاك بــــدري .....................................ماعاد والله تدخلي بيت الاحرار مقاطعتنا دايــم الـــــدوم تســـــري .....................................ماتنتهي إلا.. بتسـريح الابقـار ياربعـنا تكفــون تكفــون صبـــري ....................................حتى تفلس بادية رفــع الاسعار نرجو التفاعل ونشر المقاطعة بكل الوسائل صفحة الفيس بوك للمقاطعة : http://www.facebook.com/profile.php?...1626517&ref=ts معاً لمقاطعة المراعي

اقتباس المشاركة الأساسية كتبها أم رازان أتمنى مراقبة أسعار المواعين وخاصة محل الفوزان أسعار كل يوم بارتفاع خيالي ،