[@العاقل@]

اقتباس المشاركة الأساسية كتبها ** نائلة ** بالنسبة لكلام اختي علومي الغبراء صحيح إنه فيه ناس ياخذون اللي بالزبايل بالعليا والشقه هذاك زمان اول ماكان فيه هالشئ لكن بالزمن هذا كل شئ يصير خالي عنده استراحة بالعليا يقول نفس كلام اختي علومي الغبراء انه يشوف حريم واطفال بمنتصف الليل يطلعون وياخذون الطعام اللي بالزبايل لذلك قرر خـــــــــــالي انه يروح بالطعام اللي يتبقى منا اذا اجتمعنا في استراحته اللي بالعليا ويوديه لهم ويقول خالي انهم يتناهبون الرز من يدي كل أم تبي تأخذه هي لعياله هم قريبين من إستراحه خالي لكن احمد ربك اخوي انت عايـــــــــــــــــش بنعيم ويمكن ماتدري إنه فيه ناس من شدة الفقر حدهم الفقر على هالشئ وهو الاكل من الزبايل الله لا يـــــــــــــــــــــــــردنا ولايرد عيالنا للي ردهم لكن للأسف غالبية المجتمع غافلين عنهم ولايروحون يبحثون عنهم واقول لك شئ انا بيتي بالاسكان الجديد وحولنا محل خضار يرمي البقايا اللي خربانه بالشارع اذا جاء يسكر محله بعدين تجي امراة وتاخذ بقايا الخضار الخربان لعياله بمنتصف الليل عاد جاء راعي محل الخضار وتكلم بالمسجد على الجماعة عن هذي المرأة وقال قصة المراة للجماعه وإنها تجي بعد مايسكر المحل وتاخذ الخضار والفاكهة الخربانة اللي يطلعها للزبالة لعيالها و نبههم وقال انتبهوا لجيرانكم انتم تتبرعون للجهات الخيرية وفيه ناس من اللي حولكم احق بالصدقة لكن يتسترون ويتعففون ويستحون يكون بعلمك اخوي ان الحرمة هذي وعيالها من اكبر العوايل والحمايل وقرايبهم معطيهم الله لكن الناس غافلين عن قرايبهم الله لا يـــــــــــــــــــــــــردنا ولايرد عيالنا للي ردهم وشــــــــــــــــــــــــــــكرا للجميع ..............

الله يرزقنا وياهم ان شاء الله

والله يجزاك خير