|
قبل أكتب لكم أسم أمي
كان لي قصه مع الجوال
هاك الحين دخلت الدار وأنا أكلم واحد من الشباب
قابلتن أمي الساعة 11.30 تقريبا
قالت ياوليدي رح نم قلت سمي
المهم رحت نمت صلاة الفجر الله لاينكسنا فاتتن
أمر تجي أمي تأخذ الجوال وتصك به الجدار أنشطب الجدار لأن الجهاز شبيه الريح
قلت لأمي وراه قالت هو اللي مخليك تهيت الصلاة
عدت على خير
وفكرت فكرة علمانية
أني أشري لأمي جوال
على حساب أبوي طبعا
وبدأت بالتدرج لاراحت للسوق عطيته جوالي ووريته الخضراء اللي ترد
ووصيت خواتي والعجز يدقن ويسلمن عليه
وعلى شوي شوي لمن طقيت له جوال
وهي مكيفة عليه الله يستر أن ماقالت أبي أبو دمعه ولا الفارس
----------------------------------------------------
عاد وش مسميه الحين (كهف الحنان)
قبل:
القلب الروؤم
الغالية
الوالدة
أغلى الناس
شكرا لكم
تحياتي العطرة د. طير غيمار
__________________
لاتبيعن لاشـريتك خصكم قلبي خصوص ... بنك قلبـي بالتميز حـط قـدرك والرصيد
مثلك الواجب يدرس بالقواعد والنصوص ... قاعدة حامي زعلك ولا رضيت أصبح جليد
...أبوصالح
|