|
وأخيراً لقيت موضوع يتكلم عني شخصياً :D
ياربيه بس معقوله فيه ناس تسأل عني أتاري
انا عربجي شي مهب سهل==>احسبه هضبه
هههههههههههههه
بس قهر مايسأل عن إلاّ ثلاثه والباقين ماجابوا لي خبر
خلالالالاص تراي انا زعل قوووووووه ==>بشر امك
~~~~~~~~~~~~~~~~~~~~~~
السراحه ياأخ عاطفي أنه مثل ماقال لك الأخ قلب الذيب
أنني كنت تعباااااان وعيّااااااااان وحالتي حاله ولكن الحمد لله
الآن زي البوم وأحسن كمااااااان واتمتع بصحة جيده وحالة مسلية
وإليكم قصتي التي اٍسأل الله إنكم ماتعيشونا لأنها معاناة شاب وسيم
أصبح الآن سليم خخخخخخخ
في يوم من الأيام الي مضت حقات الأسبوع اللي راح صخنت صخنة
عجيبه وقلت أنا إيه هاذي حموضه واقعد كل الليل أدهس حبوب أبي
هالمرض يخف ماش بتل الرجّال معجبه الجو رابض الله يهديه مير
المهم أصبح الصبح وماأدراك بالصبح ومفاجأته وكان عندي إمتحان
عساه ماإمتحانه رحت للجامعه وامتحنت وطلعت وقلت لخويي السراحه
إني تعبان ومقدر أسوق السياره ودن لبيتنا قال مشينا المهم ونروح للبيت
وانا مدري وش بلاي عجزت افهم وش اللي جان احسبه حر الموت قلت بس
ياولد رح صل واستغفر ربك وادخل البيت وتنهبل امي قالت وش جابك
هالحزّه قلت يمه احس إني ابموت قالت اعقل واثقل وش هالهرج فال الله
ولافالك على طول أنا سيدا الحمام الله يكرمكم واتوضأ وانحر غرفتي
واقعد اصلي واصلي واصلي واصلي وتدخل أمي علي قالت وش تصلي
قلت ابصلي لما أموت أغدين أموت وانا ساجد قالت الحمد لله العقل زين وراحت
واقعد اصلي واصلي واصلي جت وادخلت علي مرة ثانيه قالت بلا هبال
وتعقد تهوشن قالت هاللحين وش إسمه هالصلاة سنه الضحى وصليته وش عندك
وطلعت قمت وقفلت الغرفه قلت عشان محد يزعجن المهم مادريت إلاّ وأنا
بالمستشفى ههههههههههههه السراحه موقف ولابريال امي فوق راسي
تصيح تقول سامحن ياوليدي أحسبك تلعب علي أمس ماصدقتك يوم
تقول إنك تعبان قلت وشواااا وش السالفه خبري إني كنت اصلي
وش جابن هنا قالت أختي يوم قفلت عليك الغرفه جت امي بعد ساعتين وقعدت
تطق عليك وانت ماتفتح جت وقومتن من النوم وقالت اخوس قافل الغرفه
عليه واطق مايفتح قلت له أكيد إنه نام قالت لا قلبي يابنيتي يقول إنه به بلا
وجينا وطقينا عليك لحد ماأذن الظهر ومارديت علينا امي قامت تصيح
وقالت ولدي مات ياربيه يقول بي الموت يمه وانا اتطنز به تقول اختي مدري
وش اسوي ابوي ومسافر وتدق على خوالي اللي مسكر جواله واللي مايرد
آخر شي رد عليه خالي الصغير قالت تعال الولد بالغرفه نطق عليه
مايفتح جاء جالي وينادي ويصوت ولامجيب أنا وخشتي ماجبت خبرهم
ههههههههههه جاء خالي وكسر الباب قهر والله مته عاد ابصلحه إكره
مايعرفون النعومه أعوذ بالله المهم يوم فتحوا الباب وش لقوا
لقوا حضرتي طايح عند السجاده ,,,,,,
عاد جاء خالي يسولف علي يقول يوم شفتك مدري وش أسوي أمك
وطاحت عند الباب وقعدت تصيح تقول ولدي ماااااااات ولدي ماااااااات
واختك مثله قعدت تصيح يقول خالي أنا جتن العبره بس مسكته عشان
أمك ماتخاف ويقرب من خالي أشوي ويشوفن أتنفس بس بشويش
ههههههههههههه قال لأمي لالاحي شكله مغمي عليه بس
المهم ويودونن للمستشفى ويشخترونن قالوا بسرعه بسرعه
عمليه عمليه يالله عنده زايده تبي تنفجر يالله يالله يالله
ويدهرون بي وانا ماجبت خبرهم فاطس المهم طلعت من غرفة العمليه بسلام
وأمان وفتّحت ووجت أحبابي بجابني وقلت الحمد لله إني مامت
عاد السستر جت تطقن أبره وامي عندي المهم أبطت السستر قالت
أمي له وشبلاس أنهجي ههههههههه قلت ياأمي العزيزه
ماتفهم هاذي إنهجي تفهم كويكلي وزين بعد
هاذي ملخص أحداث الأسبوع اللي فات عاد تكرموا ياللي ماسألتوا
عن وقلوا الحمد لله على سلامتك ياأخينا وإن شالله يطول عمرك
وتكبر وتنسى
تشكرااااااات حبايبي مع إنكم ماتستاهلون هههههههه ألعب عليكم
أنتم تسوون خشمي وخشتي بعد بس لاتزعلوووون
|