يووووه .. مبروك مبروك اجل غيرت ( أقوري هههههاي )
المهم .. أنا شفت كلمة ( خكر ) الي يدخلون بالكوفي وطقته، وقلت أشارك بالموضوع ..!!
شف ياحبي لك ..
ترى المسألة واضحة .. يعني ماحنا دجاج ،، تسوقونها علينا .. وين أروح ماوين أروح
أزعجتوا العالم ، يقالكم مكبوتين نفسياً وتعانون من ضغوط وتحجر !!
صراحة لو أني ضابط ، وأشوف واحد معه كسرة هايلكس أقرب حجز أوقفه فيها ..
ياحبيبي ، الدوران الي كم قرمبع أزعجونا بكل عاير ، كلهم هايلكس وكم كسرة جيب ، وكل هالسياراتين ، مكانها الحقيقي ( البـــــــــــــــر ) ..
اجل ياجماعة قد شفتو هايلكس ولاجيب يجلس يغطس تحته ويلمع ويجلي ههههه الحمدلله والشكر بس = يعني شوفون ..
القصد من الدوران شيئين : ( 1ـ يعني شوفو سيارتي 2ـ يعني شوفو الي معي 3ـ هجولة ) .. وللتوضيح أكثر ترى الخيار الأول والثالث عشان الخيار الثاني ، بمعنى شوفو سيارتي أو شوفو هجولتي أغديكم تخقوون هههههه ..
وعلى وشو عاد ياليت شي يستاهل ( هايلكس غمارة هههه يلعن أوم الحالة ياشيخ ) واخر شي مشخص ومسوي في أمها أنا ملك الإيتيكت وراس مال تلميعه هذا بقوطي جلي مدري قوطي ستوب !!
ياعزيزي حكايات الدوران هذي حكايات قذرة وسبق أن طرحت في مواضيع كثيرة ، شفت كل دورة كفر بسيارتك ترى عدد المواضيع أكثر منها الي طرحت حول هذا الموضوع وناقشنا الأسباب وهي واضحة ، العمى لو تسأله جاوبك !!
أدور بالشارع الفلاني عشان ( فلان ) ، << الحين يقول لا برفه عن نفسي < الا بالغصب يبي يحسسنا أننا على غلط وهو مظلوم ،
<<~ كلن يرى الناس بعين طبعه
ولا بدور بالشارع العلاني عشان ( هجولة ) ، ونزعج العالم ، وياليتهم يسوقون ولا هجولتهم تستاهل الواحد اذا شافها صدق يحس أنها مهارة ( بروتين مكرر ) ..
مثال : ( لفه لفتين ، الثالثه بماصورة ولا برصيف .. ياشيخ الا بالغصب يسمونها هواية ، ولا يطردهم عسكري ويصدمهم ويوقفون ، ومايمدي تبرد سيارته الا كاتب موضوع معاناة ) !!
المفروض يصير :
1) تروح أنت وعلى من شاكلتك تحرج على سيارتك على كم يمني يشتريها يحمل عليها أغراض بالصندوق ولا راعي غنم أو فلاح يشتريها يحمل عليها غنم ولا برسيم ..

2) أي واحد معه كسرة ربع ، على طول جيزان أو الي يدور المكاسب يروح لأحد مدن الجنوب أو الشمال مرة يحرج عليه هناك ، لأنه هو مكانه الحقيقي ، بالاجبال وبالبر وخص نص ( الي يدورون ) وتوضح من شكل السيارة أنه راعي دوران ، وليس الي مشتريه عشان قنص أو بر أو ترهيم !!

3) لاصحاب الهايلكسات ( البزارين ) ، لو أسوي دراسة عن أي واحد معه ( غمارة ) .. أتضح لي أن التكاية فيها كتاب انجليزي وتحديداً حق المتوسطة الي فيه صورة ( وجه تقلبه يطلع وجهين ) ، وأول ماتفتح مخه تبي تسولف معه أول سالفة ( ماتعرف أحد بالمرور ابي لوحة + يفضفضلك وين ينصب سيارته عند المدرسة )
4) عشان الذمة بس ، فيه بزارين معهم سيارات ثانية بس على الاقل هذولاك متغبين بين سيارة وسيارة ، وأنتم فاحت ريحتكم من أفعالكم التي لايقبلها لاعقل ولامنطق ، لاوبعد تبحثون عن فتح المجال ، عشان صدق ( تطرطعون ) ..
خطمه :
الي باعماركم له ولد أو بنت ، وأنتم سوالفكم ( وين أدور ، وين أنصب ، لوحة سيارتي ، وش اسوي ، ضاقت بنا الدنيا وينهيها في الكلمة المشهورة ( كسل ) ..
أوووووم الحالة عليكم ..
مانقول الا ، لايكثر ..